26.9 C
Dushanbe

Имрӯзҳо COVID-19 дар Ҳиндустон бедодгарӣ мекунад. Наздики 400 ҳазор гирифтор дар як рӯз

Дар Ҳиндустон омори гирифторони ба бемории COVID-19 ва фатидагон марзи рекордиро гузашт. Рӯзи якшанбе вазири беҳдошти ин кишвар эълом кард, ки дар 24 соати гузашта 3689 нафар бар асари гирифторӣ ба ин бемории ҳамагир ҷон бохтанд. Ва ҳудуди 400 ҳазор нафар гирифторони нав ба қайд гирифта шудааст.

Ҳиндустон бо сабти 400 ҳазор мубтало дар як рӯз, дар ҷаҳон дар мақоми аввал истод. Мақомоти ин кишвар ва коршиносони беҳдоштӣ вазъи интишори вирусро дар ин кишвар ногувор арзёбӣ кардаанд.

Гуфта мешавад, дар баробари суръати зиёди гирифторӣ ба ин беморӣ, пизишкон дар беморхонаҳо ба камбуди оксиген рӯбарӯ ҳастанд.

Бино ба гузориши хабаргузории ВВС нахуствазири ин кишвар Норендра Модӣ рӯзи якшанбе ин вазъияти ногуворро бо вазири беҳдошти кишвараш дар миён гузошта масъалаи таъмини оксиген, ки аз мушкилотии аслии ин вазъияти вахим гуфта мешавад, баррасӣ кард.

Ба иттилои ин расона, рӯзи шанбе дар бемористони Батрои шаҳри Деҳлӣ ба далели камбуди оксиген, 12 нафар ҷони худро аз даст доданд. Инчунин ба ҳамин монанд марги шаҳрвандон дар дигар беморхонаҳо низ расонаӣ шуд.

Тибқи оморҳо то имрӯз дар Ҳиндустон беш аз 19 миллон нафар ба вируси корона мубтало шуда ва 215 ҳазор нафар бар асари гирифторӣ ба он ҷони худро аз даст доданд.

Коршиносон мегӯянд, ин омори воқеӣ нест, зеро ба ҳамин андоза беморон дар хонаҳояшон бемор мешаванд ва ё мефавтанд, ки ба қайд гирифта намешаванд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.