35.9 C
Dushanbe

Имзои тавофуқнома байни Русия ва Тоҷикистон ҷиҳати маблағгузории лоиҳаи хӯроки мактабӣ

Тавофуқнома дар бораи маблағгузории лоиҳаи хӯроки мактабӣ дар Душанбе аз ҷониби намояндагони Русия ва Тоҷикистон ба имзо расид.

Музокиротро вазири молия Файзиддин Каҳҳорзода ва директори минтақавии фонди байналмилалии рушди кишоварзӣ барои Ховари Миёна, Африқои Шимолӣ, Аврупо, ва Осиёи Марказӣ Дина Солех анҷом доданд, дар натиҷа тавофуқнома оиди маблағгузории барномаи хӯрокхурии мактабӣ ба имзо расид.

Хабаргузории Спутник иттилоъ дод, ки грант барои ин лоиҳа аз ҷониби Русия дода мешавад ва дар маҷмӯъ Тоҷикистон беш аз 1,3 миллион доллар хоҳад гирифт.

Русия ба воситаи Барномаи Ҷаҳонии СММ ба таври мунтазам лоиҳаҳоро оиди беҳтар кардани сифати ғизо дар мактабҳо дар Тоҷикистон маблағгузорӣ мекунад.

Аз соли 2013 бо дастгирӣ ва пуштибонии Русия дар Тоҷикистон воҳидҳои хӯрокворӣ таъмир карда шуданд ва барои кормандони наздики 60 мактаби тоҷикӣ омӯзиш гузаронида шуд.

Ҳафт нонвойхонаи мактабӣ сохта ё бозсозӣ шуданд, ки ҳоло 61 муассисаи таълимиро бо нон таъмин менамоянд. Дар саҳни ҳавлии 10 мактаб гармхона бунёд карда шуда ва китоби “дастурхони хӯрок дар мактаб” ба чоп расонида шуд.

Кумаки умумии молиявӣ то ба имрӯз наздик ба 80 миллион доллар  мерасад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.