Ҷаҳон

Инқилоби президент дар Тунис

Шоми рӯзи якшанбеи 25-уми июл Президенти Тунис, Қайс Саъид чанд қарореро қабул намуд, ки аз ҷониби сисёсатмадорони кишвараш, ба хусус ҳизби Наҳзати Тунис "инқилоб бар Қонуни асосӣ" ном гирифт.

Тибқи иттилои шабакаи "Ал-Ҷазира", ӯ аз ҷумла шаби гузашта қарори барканории сарвазири ин кишвар, Ҳишом Машишӣ, бекор кардани парлумон ва инчунин бекор намудани дахолатнопазирии аъзои парлумонро қабул кард.

Раисҷумҳури ин кишвар шаби гузашта гуфт, ин қарорҳоро дар пай гирдиҳамоиҳои мардум, ки ҳукуматро дар идора ва пешгирии вируси ҳамагир гунаҳкор медонистанду ба кӯчаҳо рехта, истеъфои ҳукуматро талаб карда буданд, гирифтааст.

Аммо раиси ҳизби ҳоким – Ҳизби наҳзати исломии Тунис ҳамзамон раиси пралумони ин кишвар Рошид Ғанушӣ субҳи рӯзи душанбе ин иқдомоти Раисҷумҳурро “инқилоби президент бар Қонуни асосӣ” хонда, назди парлумон рафт, вале низомиён монеи вуруди ӯ ва аъзоёни дигари парлумон шуданд.

Дар ҳамин ҳол рӯзи душанбе Рошид Ғанушӣ ба шабакаи туркии "TRT" гуфт, қарорҳои Қайс Саъид ба нафъи кишвар ва низоми демократию бисёрҳизбӣ набуда, баракс тасаллут болои ниҳодҳои давлатӣ мебошад.

Вай афзуд, ки Шӯрои сиёсии ҳизбаш дар робита ба ин қазия ҷаласа ташкил намуда, қарорҳои пешгирифтаи раисҷумҳурро маҳкум карданд. Ва ҳамчунин аз ӯ хостаанд, ки қарорҳои қабул намудаашро бекор кунад.

Тунис аввалин кишвари арабие буд, ки инқилобҳои “Баҳори арабӣ”-и соли 2011 аз онҷо сар зад ва ягона кишваре низ буд, ки тавонист баъд аз инқилоб рӯ ба низоми демократӣ биёрад, аммо то ҳол даргири буҳрони иқтисодист.

Густариши бемории ҳамагири COVID-19 тайи моҳи ахир дар ин кишвар ва дуруст идора накардани кишвар дар ин вазъият эътирозҳои мардумро ба бор овард ва ҷавононро ба хиёбонҳо расонд. Теъдоди гирифтори ин беморӣ дар Тунис беш аз 500 ҳазор нафар гузориш мешавад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Ҷаҳон

Тандурустӣ

СҶБ таҳқиқоти пайдоиши коронавирусро бо тими нав идома медиҳад

Ҷаҳон

Эммануэл Макронро боз бо тухм заданд

Тоҷикистон

Дар Душанбе обро кӣ нопок мекунад?

Ҷаҳон

Кӯшиши табаддулоти ноком дар Судон