Узбекистон

Интихоботи президентӣ дар Узбекистон

Рӯзи якшанбеи 24-уми октябр дар Узбекистон интихобти президентӣ баргузор гардид. Дар ин корзори сиёсӣ ғайр аз Шавкат Мирзиёев 4 нафари дигар барои курсии президентӣ рақобат карданд.

Рӯзи якшанбе Кумиссюни марказии интихобти Узбекистон корзори интихобтиро баргузоршуда эълон кард. Тибқи эълони ин ниҳод, дар интихобот 19,86 млн нафар ширкат варзида овозҳои худро доданд.

Мирзиёев барои бори дуюм вориди рақобат шудааст. Коршиносон мегӯянд, пирӯзии вай қатъӣ хоҳад буд, зеро рақибони ӯ ҳама номзадҳои сунъӣ буда,  дар асл онҳо ҷонибдорони худи Мирзиёев ҳастанд.

Рақибони Мирзиёев, Баҳром Абдуҳалимов аз Ҳизби "Адолат", Мақсуда Ворисова аз Ҳизби "Халқӣ-демократӣ", Алишер Қодиров аз Ҳизби "Эҳёи миллӣ" ва Нарзулло Обломуродов аз Ҳизби "Экологӣ"-и Узбекистон буданд, ки бо Шавкат Мирзиёев, номзад аз ҳизби Лебирал-демократ рақобат карданд.

Шавкат Мирзиёев баъд аз марги Ислом Каримов соли 2016 президенти ин кишвар интихоб шуд. Ва ҳоло барои як давраи дигар қудратро ба даст хоҳад гирифт.

Дар замони президентии Шавкат Мирзиёев муносибатҳои чандсола сарди Тоҷикистону Ӯзбекистон тағйир ёфта, нармтар шуданд. Ва ду тараф марзҳои якдигарро бар рӯи шаҳрвандони худ боз карданд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Узбекистон

Узбекистон

Мирзиёев изҳороти Лукашенкоро беасос хонд

Узбекистон

Шабакаҳои иҷтимоӣ дар Узбекистон масдуд шуданд

Узбекистон

Мирзиёев барои 5 соли дигар президенти Узбекистон шуд

Узбекистон

Даргузашти адиб Ҳаёт Неъмат