22.9 C
Dushanbe

Иштироки 9 паҳлавони тоҷик дар UWW

Паҳлавонони тоҷик дар мусобиқаи қаҳрамонии ҷаҳон байни ҷавонон оид ба гуштини озод ва юнониву румӣ дар вазнҳои 55-79 кг. ҳунарнамоӣ мекунанд.

Бино ба иттилои сомонаи расмии Кумитаи миллии олимпии Тоҷикистон, ин мусобиқа дар шаҳри Уфаи Русия аз рӯзи 16-уми августи соли ҷорӣ оғоз гардида, то 22-юми август идома меёбад.

Дар ин мусобиқа беш аз 500 гуштингир аз 52 кишвар ширкат доранд. Тоҷикистонро дар ин мусобиқа 9 гуштингир дар навъи гуштии озод ва юнониву румӣ намояндагӣ мекунанд.

Дар гуштини озод Тоҷикистонро Хайрулло Кулулов, Мустафо Ахмедов, Ҷаъфарбек Қурбонов, Саидасан Ашрафхонов ва Абубакр Шукуров намояндагӣ доранд.

Дар гуштини юнониву румӣ Асламҷон Азизов, Фирӯз Мирзораҷабов, Нозимҷон Собиров ва Шероз Очилов бо ҳарифони худ қувваозмоӣ мекунанд.

Иттиҳоди ҷаҳонии гуштин (UWW), ки аз сабаби пандемияи коронавирус танаффуси дусола дошт, мусобиқоти худро айни замон дар шаҳри Уфаи Русия баргузор мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.

Боздошти боз як тоҷик дар Русия

Дар шаҳри Твери Русия як гумонбари дигар дар робита ба ҳамлаи террористӣ дар "Крокус Сити Ҳолл"-и Красногорск боздошт шуд.