33.9 C
Dushanbe

Исмоилхон, собиқ волии Ҳирот ба дасти Толибон асир уфтод

Муҳаммад Исмоилхон, собиқ волии Ҳирот ва аз раҳбарони ҷиҳодии Афғонистон пас аз суқути Ҳирот дар шаби гузашта ба дасти Толибон асир гирифта шуд.

Толибони бо нашри як навори видеоӣ, ки дар он Исмоилхон ҳамчун асир дар дохили як худрав суҳбат мекунад, мегӯяд, ҳамроҳи Исмоилхон се тани дигар низ аз раҳбарони воломақоми Ҳиротро ба асорат гирифтаанд.

Дар навор аз Муҳаммад Исмоилхон пурсида мешавад, ки бархурди Толибон бо вай муҳтрамона будааст, оё ӯ дар бораи таслим шудан аз қабл тасмим гирифта буд ва ё фикр мекард, ки рӯзе таслим шавад, мегӯяд, ба асорат афтидани ӯ ногаҳон сурат гирифтааст.

Толибон ҳамзамон иддаъо мекунанд, ки шаби гузашта вилояти Қандаҳор ва Ҳилмандро низ ба тасарруфи худ даровардаанд. Аммо мақомоти Афғонистон мегӯянд, ҳанӯз ҷанг барои аз даст надодани ин вилоятҳо идома дорад.

Аз сӯи дигар Толибон эълон кардаанд, ки Муҳамммад Исмоилхон худаш ба ин гурӯҳ пайваста ва аз омадани ӯ истиқбол кардаанд, сипас “ба ӯ ва ҳамроҳонаш итмиънон додаанд, ки метавонанд ба зиндагии ором ва обрӯмандонаи худ идома диҳанд.”

Муҳаммад Исмоилхон дар гузашта ҳам ба дасти Толибон асир уфтода ва муддати се сол дар зиндоне дар Қандаҳор нигоҳдорӣ мешуд, аммо дар 1997 муваффақ шуд, ки аз зиндон фирор кунад ва сипас дубора ба саҳнаи ҷанг ва мубориза бо ин гурӯҳ баргардад.

Афғонистон 34 вилоят дорад, ва зарфи як ҳафтаи ахир бо шумули зодгоҳи президент Ашраф Ғанӣ дар Лугар 18 вилояти ин кишварро забт кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.