32.9 C
Dushanbe

Истирдоди 4 шаҳрванди Тоҷикистон аз Русия, ки дар чанд ҷиноят муттаҳам мешаванд

Прокуратураи генералии Федератсияи Русия бо дархости Прокуратураи генералии Тоҷикистон қарори истирдоди 4 шаҳрванди Ҷумҳурии Тоҷикистонро, ки дар содир намудани ҷиноятҳои зидди амнияти ҷамъиятӣ ва тартиботи ҷамъиятӣ, инчунин нисбат ба шахсони алоҳида ва амвол айбдор мешаванд, қабул кард.

Тибқи иттилои Хадамоти матбуоти Додситонии кулли Федератсияи Русия, яке аз айбдоршавандаҳо Анушервон Аҳмадалиев ба он айбдор мешавад, ки моҳи августи соли 2016 шаҳрвандони Тоҷикистонро барои иштирок дар амалиётҳои ҳарбӣ ва мусаллаҳ, дар ҳайати як созмони террористӣ-экстремистӣ дар қаламрави давлати хориҷӣ водор месохтааст.

Айбдоршавандаи дигар Зиёратшо Хушвахтов ба он айбдор мешавад, ки бо маслиҳати пешакӣ моҳи октябри соли 1997 дар ноҳияи Панҷи вилояти Хатлон бо мақсади пинҳон кардани ҷинояти дигар ба ҳавлии хонае даромада, дар он ҷо мард ва ду фарзандашро бо силоҳи оташфишон куштааст. Пас аз як ҳафтаи ин ҳодиса, ӯ ҳамроҳи шариконаш куштори барқасдонаи марди дигар ва ҳамсари ӯро содир кардаанд.

Беҳрӯз Исроилов, ки ба хизмати ҳарбӣ дар сафи Қувваҳои мусаллаҳи Ҷумҳурии Тоҷикистон даъват шуда буд, бо мақсади саркашӣ кардан аз хизмати ҳарбӣ, маҳалли ҷойгиршавии комиссариати ҳарбиро тарк намуда, фирор намудааст.

Қарорҳои Додситонии кулли Федератсияи Русия дар бораи истирдоди ин ашхос эътибори қонунӣ пайдо намуда, ба Хадамоти Федералии ҷазо супориш дода шудааст, ки айбдоршавандаҳоро ба Тоҷикистон интиқол диҳанд.

Айбдоршавандаҳо Анӯшервон Аҳмадалиев, Зиёратшо Хушвахтов, Шӯҳрат Ашӯров ва Беҳрӯз Исроиловро ҳамроҳии як дастаи махуси посбонон ба Тоҷикистон мебаранд, хабар медиҳад Додситонии кулли Федератсияи Русия.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.