Иттиҳоди Аврупо ба кишварҳои Осиёи Марказӣ барои бартарафсозии зарарҳои иқтисодиву иҷтимоии ношӣ аз каронавирус, тақвияти низоми тандурстӣ ва обёрӣ 134 миллион евро (ҳудуди 159 миллион доллар) ҷудо кардааст. Дар ин бора рӯзи 18 ноябр сомонаи “Ахбори Осиёи Марказӣ” иттилоъ медиҳад.
17-уми ноябри соли равон зери раҳбарии намояндаи ИА дар умури хориҷӣ Жозеп Боррел 16-умин ҷаласаи солонаи “ИА – Осиёи Марказӣ” ба шакли нишасти онлайнӣ доир гардид.
Дар ҷаласа иштирокдрон омодагии худро барои ҳамкорӣ дар самти “тақвияти устуворӣ, шукуфоӣ, сабзгардонӣ ва корҳои барқарорсозӣ пас аз пандемияи коронавирус баён карданд”.
Дар ин нишасти видеоӣ, ки аз ташаббуси ИА доир гардид, масъалаҳои зарурати эҳтиром ба қонуну татбиқи амалии принсипҳои демократӣ, ҳуқуқи инсон ва ғайра баррасӣ шудааст.
Моҳи июли соли равон Иттиҳоди Аврупо хабар дода буд, ки ба кишварҳои Осиёи Марказӣ кумак мекунад.
Он вақт гуфта мешуд, ки Иттищоди Аврупо барои таъмини талаботи кишварҳои минтақа ва ҷуброни хасороти пандемияи каронавирус 3 миллион евро ҷудо мекунад.
