14.9 C
Dushanbe

Иттиҳоми нав алайҳи Ораз Вазирбеков

Мақомот ба парвандаи Ораз Вазирбеков, фаъоли Бадахшон, ки чанд моҳ пеш аз Русия дуздида ва ба Тоҷикистон оварда шуда буд, иттиҳоми “азхудкунии маблағ”-ро илова кардаанд.

Радиои Озодӣ дар истинод ба пайвандони Вазирбеков хабар медиҳад, ки мақомоти тафтишотӣ ӯро барои аз худ кардани пулҳое муттаҳам кардаанд, ки сокинони Бадахшон ба оилаҳои осебдидаи амалиёти соли 2012 аз хориҷ фиристода буданд.

Ба гуфтаи пайвандонаш, Вазирбеков дар Бадахшон мезист ва он замон раиси маҳаллаи “УПД” ё “Тирчид”-и шаҳри Хоруғ будааст ва воқеан, ӯ ҳамроҳи чеҳраҳои дигари бонуфузи шаҳр дар ҷамъоварӣ ва тақсими маблағ ба мардуми осебдида кумак мерасонд, “вале пули мардумро нагирифтааст”.

Пайвандонаш ӯро бегуноҳ медонанд ва аз илова шудани иттиҳоми нав дар парвандааш нигаронанд.

Мақомот то ҳол иловаи иттиҳоми нав ба парвандаи Оразро шарҳ надодаанд.

Аммо гуфта мешавад, мақомот ӯро бар асоси қисми дуи моддаи 307-и Кодекси ҷиноии Тоҷикистон (тундгароӣ бо истифода аз Интернет) муттаҳам доранд.

Ёдовар мешавем, ки дар охирҳои моҳи июли соли ҷорӣ Ораз Вазирбеков ҳамроҳи фаъоли дигари зодаи Бадахшон Рамзӣ Вазирбеков аз Маскав рабуда шуда буданд ва чанде баъд дар наворе хабар доданд, ки дар Тоҷикистон назди кормандони интизомии кишвар қарор доранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.