38.9 C
Dushanbe

Иттиҳомоти нав дар парвандаи Иноятзода илова шудааст

Сурат: sugdnews.com

Баҳром Иноятзода раиси собиқи шаҳри Кӯлоб бо шаш моддаи Кодекси ҷиноятӣ айбдор дониста мешавад.

Қаблан гуфта мешуд, ки нисбати шаҳрдори собиқ бо иттиҳоми порагирӣ ва сӯистифода аз ваколат парванда боз шудааст ва иттиҳоми дузанагиаш тафтиш мешавад.

Моҳи июни соли равон Иноятзода аз ҷониби кормандони Кумитаи давлатии амнияти миллӣ бо иттиҳоми порагирӣ дастгир шуда буд. Айбҳое, ки ҳоло нисбати ӯ эълон шудааст, баъдан ба парвандааш илова кардаанд.

Радиои Озодӣ аз манбааш аз додгоҳи вилояти Хатлон навиштааст, парвандаи Иноятзода бо моддаҳои 314 қисми 2, (сӯистифода аз ваколатҳои мансабӣ), 319 қисми 4 (гирифтани пора дар ҳаҷми бузург), 245 қисми 2 (аз они худ кардани молу мулки ба зимааш гузошташуда), 247 (қаллобӣ), 338 нишонаи 1, қисми 2 (ғайриқонунӣ додани қитъаи замин), 262 (қонунгардониии даромадҳои бо роҳи ҷиноят ба даст омада) айбдор мешавад.

Гуфта мешавад, иттиҳоми дузанагӣ, ки дар аксар ҳолат ҷаримаро пешбинӣ мекунад, аз парвандаи ӯ лағв шудааст. Дар сурати тасдиқ гардидани ин ҳама иттиҳомоти нав Иноятзодаро то 20 сол зиндон таҳдид мекунад.

Мақомоти тафтишотӣ гуфтаанд, таҳқиқ нишон дод, ки ӯ ба наздиконаш бе навбат қитъаи замин барои бунёди манзили зист дода ва низ аз чанд сокини дигар пас аз гирифтани пора ин корро анҷом додааст.

Наздикони Иноятзода айбҳои эълоншуда алайҳи ӯро тӯҳмат ва қасосгирии як гурӯҳи манфиатхоҳ медонанд. Боздошти Иноятзода баъд аз интиқод аз қудои Президенти Тоҷикистон Бег Сабур сурат гирифт.

Сурат: Akhbor.com

Баҳром Иноятзода зимни нишасти матбуотиаш Бег Сабур раиси Хадамоти алоқаи Ҷумҳури Тоҷикистонро ба хотири пардохт накрадани қарзҳояш дар назди андоз ва обу барқ ба “Хоҷа Аҳрори Валӣ” ташбеҳ карда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Фишор болои наздикони фаъолони зодаи Бадахшон

Мақомоти Тоҷикистон фишор болои хонаводаҳои зодагони Вилояти Мухтори Кӯҳистони Бадахшонро, ки дар хориҷ аз Тоҷикистонанду дар ҷустуҷӯ қарор доранд, сахттар кардааст.

Тазоҳуроти фаъолон дар Олмон: Ҳамкорӣ бо Тоҷикистон қатъ шавад!

Гурӯҳе аз фаъолон дар Олмон бо баргузории тазоҳурот ва дархости озодии Абдуллоҳи Шамсиддин, хостори қатъи ҳамкорӣ бо Тоҷикистон шуданд.

Муттаҳидони Русия ҳамлаҳои Исроил ба Эрон ва Ғаззаро маҳкум карданд

Раҳбарони кишварҳои узви гурӯҳи БРИКС дар як баёнияи муштарак...

Боздошти ду ҷавони тоҷик дар Русия бо иттиҳоми озори ноболиғон

Пас аз баргузории ҷашнвораи фарҳангии тоҷикон дар шаҳри Красноярски Русия, ду ҷавони тоҷик бо иттиҳоми озору азияти ду духтари 14-сола боздошт шудаанд.