-3.1 C
Dushanbe

Юсуф Раҳмон: Мухолифин ба нишастҳои САҲА роҳ дода нашаванд

Алим Шерзамонов, муовини раҳбари Паймони миллии Тоҷикистон (ПМТ) дар суҳбат бо АЗДО ТВ нашр ва бозтоби ахбори марбут ба сафарҳои прокурори генералии кишвар дар Иттиҳодияи Аврупоро “манфиатдор” хонд.

5-уми август, Муовини раҳбари ПМТ дар робита ба ин ки, чаро ҷониби мақомоти кишварҳои Иттиҳодияи Аврупо сафар ва мулоқотҳои Юсуф Раҳмонро камтар пӯшиш медиҳанду тарафи Тоҷикистон зиёдтар, гуфт, ҷониби Тоҷикистон манфиатдор аст, ки сафарҳо ва мулоқотҳои додситони кулли кишварро ба таъхир ҳам бошад, нашр ва бозтоб кунад.

Юсуф Раҳмон, додситони кулли Тоҷикистон зимни сафарҳояш ба Аврупо аз намояндагони Созмони амният ва ҳамкории Аврупо (САҲА) хост, ки “шахсони ҷиноятпеша”-ро дар чорабиниҳои худ роҳ надиҳанд.

Пеш аз ин Ҳукумати Тоҷикистон барои иштироки намояндагони Ҳизби наҳзати исломии Тоҷикистон (ҲНИТ) ва “Гурӯҳи 24” дар нишастҳои солонаи САҲА дар Варшаваи Лаҳистон борҳо аз ин созмон норозигӣ карда буд.

Бино ба иттилои Маркази матбуоти Прокуратураи генералии Тоҷикистон, Юсуф Раҳмон прокурори генералии кишвар дар сафари худ ба давлатҳои Иттиҳоди Аврупо (ИА) бо чанде аз масъулони баландпояи ИА мулоқот анҷом дода, масъалаи боздошт ва таслими шахсони дар пайгард қарордошта, роҳ надодани “шахсони ҷиноятпеша” дар чорабиниҳои САҲА ва ғайраро баррасӣ кардааст.

Тибқи иттилои манбаъ, 2-уми август Юсуф Раҳмон ба кишвари Австрия сафар дошт ва бо директори Маркази пешгирии низоъҳои Созмони амният ва ҳамкорӣ дар Аврупо ҳамзамон муовини роҳбари Котиботи САҲА хонум Туула Юреля ва роҳбари Раёсати хатарҳои фаромиллии ниҳоди мазкур хонум Купчина Елена Николаевна дидору гуфтугӯ анҷом дод.

Маркази матбуоти прокуратураи генералии кишвар хабарҳои сафари додситонии куллро як ё ду рӯз баъд аз вақташ нашр мекунад.

Дар ҳамин ҳол бархе мухолифин бар ин назаранд, мақомот хавфи онро доранд, ки агар замон ва макони сафарҳои додситони кул дар ИА аз қабл эълон шавад, ба эҳтимоли зиёд мухолифон он ҷо таҷаммуъ хоҳанд кард ва зидди ҳукумат шиорпартоӣ мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.