Юсуф Раҳмон сабаби боздошти Иноятзодаро гуфт
Имрӯз 14 июл Додгоҳи олии Тоҷикистон нишасти матбуотӣ дошт. Зимни ин нишаст ба чанд масъалаи марбут ба ҷинояту қонуншиканиҳо ишора шуд. Ба гуфти Додситони кулли Тоҷикистон Юсуф Раҳмон дар давоми шаш моҳи ахир 513 мавриди ҷиноти марбут ба заминфурӯшию ғайриқонунӣ азхудкунии замин сабт шудааст.
Юсуф Раҳмон парвандаи раиси собиқи шаҳри Кулоб Баҳром Иноятзодаро низ ба ҷинояти марбут ба заминфурӯшӣ рабт дода афзуд, ки ӯ бо иттиҳоми “фасодкорӣ” дастгир шуда парвандааш дар баррасӣ аст.
Бино бар гузоришҳои расмии ниҳодҳои қудратӣ бо вуҷуди дастгир шудану зиндонӣ шудани заминфурӯшони ғайриқонунӣ боз сафи онҳо меафзояд. Аксари ин заминфурӯшон аз масъулони боломақоми дониста шудаанд. Радиои Озодӣ менависад, ки як роҳи аз байн бурдан ва ё кам кардани заминфурӯширо коршиносон дар ташкили бозори қонунии замин дар Тоҷикистон мебинанд. Чун шумораи аҳолӣ торафт зиёд мешавад ва талабот ба замин зиёд аст ва масъуле, ки ҳуҷҷатҳои заминро омода мекунад, майли хеле баланди гирифтани ришваро дорад.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.