Қисми ҷиноятҳои муташаккили Вазорати корҳои дохилии Ҷумҳурии Чехия ду нафарро бо гумони ҷосусӣ ба манфиати Русия дар ҷустуҷӯ қарор додааст, ки яке аз онҳо соли 2014 бо шиносномаи тоҷикӣ вориди ин кишвар гаштааст.
Гуфта мешавад, ин ду нафар дар асл шаҳрвандони Русия буда, барои ворид шудан ба Ҷумҳурии Чехия яке бо номи Руслан Табаров бо шиносномаи тоҷикӣ ҳамчун шаҳрванди Тоҷикистон ва диарӣ Никол Попа ҳамчун шаҳрвандии Молдов истифода карданд.
Мақомоти Ҷумҳурии Чехия ин ду нафарро дар таркиши анбори аслиҳае, ки соли 2014 ба амал омада буд, гунаҳкор меҳисобанд. Номи аслии онҳоро мақомти Чехия фош намуда, аз онҳо Александр Мишкин ва Анатолий Чепига ёд мекунанд.
Аммо то ҳол мақомоти Тоҷикистон дар бораи воқеӣ ва ё қалбакӣ будани шиносномаи Руслан Табаров расман чизе нагуфтаанд.
Ҳамзамон бино ба маълумоти расонаҳои Чехӣ айни ҳол мақомоти ин кишвар 18 корманди сафорати Русияро аз ин кишвар ихроҷ мекунад. Мақомоти Чехия гуфтаанд, ки ин 18 нафар низ кормандони Хадамоти вижаи ГРУ- Сарраёсати ҷосусии Вазорати дифои Русия будаанд.
