Ба иттилои расонаҳо, муҳосираи шадиди Исроил дар Ғазза буҳрони норасоии ғизоро дар ин борика бисёр сахт кардааст, ки рӯзона ҳазорон кӯдак бо хатари марг рӯбарӯ ҳастанд.
Басом Заққут, мудири Ҷамъияти кумакрасонии тиббӣ дар Ғазза имрӯз, 27-уми июн дар суҳбат бо шабакаи “Ал-Ҷазира” аз вахим будани вазъи фоҷиабори инсонӣ дар ин борика ҳушдор дод. Ӯ зимин суҳбаташ таъкид кард, ки имрӯзҳо 17 ҳазор кӯдак дар ин борика ба норасоии шадиди ғизо рӯбарӯ ҳастанд ва ин вазъият рӯз ба рӯз бадтар мешавад.
Ин масъули имдодрасонии тиббӣ ҳамчунин таъкид мекунад, ки дар сурати мудохала накардани фаврӣ ва ҷиддии кишварҳо ва ниҳодҳои байналмилалӣ “бояд мунтазири марги шумори зиёде аз кӯдакон ба далели камбуди ғизо ва дору бошем.”
Заққут бо ишора ба муҳосираи комили Исроил бар ин борика ва вазъи асафбори инсонӣ расондани он аз ҷомеаи ҷаҳонӣ ва кишварҳо дунё хостори фишор овардан бар Исроил шуд, то барои вуруди маводи ғизоӣ, аз ҷумла шири хушк барои кӯдакон ва анвоъи доруву дармон иҷозат диҳад.
Гуфта мешавад, ба сабаби бомборонҳои зиёди Исроил болои мардуми Ғазза рӯзона даҳҳо ва садҳо маҷруҳ бо ҳолатҳои гуногун ба беморхонаҳои қариб аз кор монда муроҷиат мекунанд, “Вале ба далели набуди доруву таҷҳизот ва камбуди шаддиди табибон садҳо бемор наметавонанд сари вақт табобат шаванд ва ин вазъият ҷони онҳоро ба хатар меандозад.”
Ин дар ҳолест, ки бо вуҷуди эътирози кишварҳо ва талаби созмонҳои ҷаҳонӣ барои ворид кардани ғизо ва кумакҳои инсонӣ ба Ғазза, Исроил боз ҳам ҳама роҳҳоро бастааст ва намегузорад ба сокинон ғизо ворид шавад.
Исроил дар Ғазз чанд нуқтаи тақсими ғизо боз кардааст, ки вале рӯзона то сад нафар аз онҳое, ки дар навбати гирифтани ғизо истодаанд, мекушад.
Расонаи маъруфи исроилии “Hertz” имрӯз гузоришеро нашр кард, ки мувофиқи он сарбозони исроилӣ эътироф кардаанд, ки аз ҷониби фармондеҳон махсус барои куштани марудми бегуноҳ ва дар навбати ғизоистода фармон мегиранд.
Ин эътироф дар ҳолест, ки мувофиқи оморҳои расмӣ, нерӯҳои исроилӣ то имрӯз ба сабаби тир кушодан ба сӯи мардуми бесилоҳе, ки дар навбати ғизо меистанд, 550 нафарро кушта, бештар аз 4 ҳазори дигарро захмӣ кардааст.
