-3.1 C
Dushanbe

Кабирӣ: Раҳмон ба Амрико ва Аврупо даъвати расмӣ нашудааст

Муҳиддин Кабирӣ раиси Паймони миллии Тоҷикистон – эътилофи нерӯҳои мухолифини тоҷик дар хориҷ мегӯяд, Эмомалӣ Раҳмон ба Амрико ва Аврупо даъвати расмӣ нашудааст.

Муҳиддин Кабирӣ рӯзи 25-уми марти соли ҷорӣ дар гирдиҳамоии мухолифони тоҷик дар шаҳри Берлини Омлон ширкат ва суханронӣ дошт. Ӯ зимни суханронияш дар мавриди ҳадафҳои ин гирдиҳамоӣ гуфт: “Ҳадаф як чиз аст, расондани паёми миллати тоҷик ба гӯши аврупоиҳо, ки инҳо дигар шарм кунанд аз он ки пои ин гуна диктатор, мисли Эмомалӣ Раҳмон ба хоки онҳо гузошта мешавад.”

Ӯ дар идомаи суҳбаташ гуфт, ки талоши онҳо аллакай натиҷа додааст: “Мо дар давоми ду се рӯз чандин ҷавобҳо ба номаҳои худ гирифтем, ки Эмомалӣ Раҳмон ба Аврупо ва Амрико даъвати расмӣ нашудааст. Ӯ барои ширкат дар конфросҳо меояд, ӯ барои ширкат дар кадом бизнес-форумҳо аз тарафи созмонҳои ғайридавлатӣ меояд.”

Кабирӣ мегӯяд, мо бояд маҷбур кунем, ки ҳатто як созмони тиҷоратӣ ва ҳатто як ташкилот ҳам дигар шарм кунад, ки Эмомалӣ Раҳмонро ба Аврупо ва Амрико даъват кунад. Ӯ мегӯяд, мухолифин талош доранд, қадам ба қадам ба ин аҳдофи худ мерасанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.