26.9 C
Dushanbe

Кабирӣ: Ваҳдати миллӣ набояд шахсмеҳвар ва давлатмеҳвар бошад

5-уми июл, Муҳиддин Кабирӣ, раҳбари ПМТ дар суҳбати онлайнии худ дар мавриди шинохти Ваҳдати миллӣ гуфт, ки Ваҳдати миллӣ набояд шахсмеҳвар ва давлатмеҳвар бошад, балки он бояд дар мабнои арзишҳои муштараки миллат сохта шавад.

Кабирӣ дар идома афзуд, ки агар ҳукумат ва раҳбарияти кишвар воқеан Ваҳдати миллӣ мехоҳанд, бояд миллатро ба худию бегона ва ҳукуматю мухолиф ҷудо накунанд ва биёянд дар чорчӯби як платформа арзишҳои муштаракро ба вуҷуд биёранд, чи мухолиф ва чи тарафдори ҳукуматро барои ба вуҷуд омадани як Ваҳдати миллии воқеӣ гириди он ҷамъ оваранд.

Ӯ барои тавзеҳи бештар аз вуҷуди Ваҳдати миллӣ дар Кореяи Шимоӣ ва кишвари Олмон мисол овард. Ба назари ӯ, намунаи Ваҳдати миллии Кореяи Шимолӣ, ки ҳама марбут ба як нафар аст ва шаҳрвандон ба қарорҳои ӯ ҳамеша розиянд, шояд аз нигоҳи худи онҳо барояшон ин муносиб бошад, аммо намунаи Ваҳдати миллии кишвари Олмон куллан фарқ мекунад ва он дар чорчӯби арзишҳо ва муштаракоти ягона сохта шудааст, ки ин метавонад воқеитар бошад.

Раҳбари ПМТ изҳор дошт, ки Эмомалӣ Раҳмон як шинохти хоси худро аз Ваҳдати миллӣ дорад, агарчи ба Кореяи Шимолӣ монанд набошад, вале ба он наздик аст. Ва ин навъи фаҳмишро даъватгарони идеологии ӯ, ба таври ошкоро ҳам набошад, бо ҳар воситае доранд дар кишвар паҳн мекунанд. Ӯ шиорҳои ба монанди “Ҷамъ шудан дар гирди як нафар” ва “Тарафдорӣ аз сиёсати ҳукумат”-ро аз намунаҳои ин навъи таблиғот донист.

Муҳиддин Кабирӣ дар бораи тартиби платформаи муштарак барои фаҳмиши дуруст аз Ваҳдати миллӣ гуфт:

“мо бояд биёем аз он шиорҳо ва назарпрадозиҳои хушк бигзарем ба роҳкорҳои амалӣ ва бояд аз он чорчӯби қаблӣ (худию бегона, ҳукуматию оппозитсюн, тарафҳои ҷанг) берун биёем бо воқеиятҳои ҷадид, бо шинохти навин ва шинохти муосир вориди як раванди миллатсозӣ ваҳдатсозӣ биравем”.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.