Камбуди муҳоҷирони корӣ дар Русия зиёд эҳсос мешавад
Муовини аввали Вазорати корҳои дохилаи Русия Александр Горовой, гуфтааст, ки кишвараш ба норасоии ҷиддии муҳоҷирони меҳнатӣ рӯ ба рӯ гардидааст.
Хабаргузории ТАСС аз қавли Александр Горовой навишта, ки барои ҷалби муҳоҷирони меҳнатӣ кормандони пулис ва мақомоти шаҳр корҳои мушаххас анҷом медиҳанд.
Горовой гуфтааст, ки “барои ҷалби шаҳрвандони Тоҷикистону Узбекистон мо дар якҷоягӣ бо департаменти ҳукумати пойтахт, маркази бисёрсоҳавии муҳоҷиратӣ ҳамкорӣ дорем, то онҳоро барои кор дар бахши сохтмон ҷалб намоем”.
Муовини аввали Вазири корҳои дохилии Русия дар идома қайд намудааст, ки “бояд вазъи муҳоҷират таҳти контрол боқӣ бимонад. Мушкилот буд, аммо ҳоло онҳо муайян шуданд. Пас аз бекор шудани маҳдудиятҳои пандемия, кишвар ба норасоии қувваи кории хориҷиён рӯ ба рӯ шудааст”.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.