Бино ба гузориши расонаҳои русӣ як шаҳрванди Тоҷикистон дар шаҳри Перми Русия рӯзи 4 феврал ҳамсар ва падарарӯс (хусур)-ашро ба сурати ваҳшиёна қатл намудааст.
Гуфта мешавад, муноқиша аз онҷо сар задааст, ки ҳамсари ҳомила ба шавҳараш мегӯяд, намехоҳад бо ӯ зиндагӣ кунад ва ҷанини дар батнашбудро низ мегирад. Зеро аллакай ду фарзанди хурдсол доранд, яке якуним сола ва дигаре чормоҳа.
Ин сухан шавҳарро хашмгин намуда кудаконро ба утоқи дигар бурда мегузорад ва бо корд дар ноҳияи синаи зан мезанад ва сипас сари ҳамсарашро аз танаш ҷудо мекунад. Баъд аз он дар кӯча бо падарарӯсаш вохӯрда ӯро низ бо зарби чанд корд ба ҳалокат мерасонад.
Мақомоти ВКД-и Перм ҷузъиёти ин куштори бераҳмонаро нашр карданд. Бино ба иттилои ВКД муноқишаи ҳамсарон дар як манзил дар ошёнаи дуюми як бино дар кӯчаи Есенин дар Заостровка рух додааст.
Дар ҷузъиёти хабар омада, ки ин оилаи ҷавон шаҳрвандони Тоҷикистон буда, чанд сол пеш ба Перм омада буданд. Шоми 3 феврал дар манзили онҳо ҷанҷол сар мезанад. Зани 21-сола ба шавҳараш гуфтааст, ки намехоҳад фарзанди сеюмшро ба дунё биёрад ва мехоҳад аз шаҳвараш ҷудо шавад. Ин сухани зан шаҳварро ба ғазаб оварда, сари занашро аз танаш ҷудо мекунад.
Ин ҷовони тоҷик паз аз куштани ҳамсараш фарзандонашро ба хонаи хешони занаш мебарад.
Хабаргузории “Комсомольская правда” аз қавли гумонбар менависад, ки ӯ гуфт: “Ман ба хусурам занг задам, вай гуфт, ки аз бозор ба хонааш меравад”. “Қотил ӯро дар кӯча интизор шуда ва бо корд ӯро зад, пирамард дар ҷои ҳодиса ҷон дод”, менависад хабаргузории “perm.kp.ru”.
Дар ҳамин лаҳза кормандони пулис, ки аз кор ба хона бармегаштанд, аз наздикӣ мегузаштанд. Пас аз дидани ин ҳодиса онҳо ҷинояткори 26-соларо боздошт карданд.
Сокинони бино, ки шоҳиди чӣ гуна дастгир шудани қотил буданд, гуфтанд: “Вақте ки ӯро маъмурони пулис аз бино берун оварданд, ӯ дод зад ва сахт гирист”.
Бино ба навиштаи Радиои Озодӣ мард Шоҳназар ном дошта аз ноҳияи Тоҷикобод будааст. Зайниддин Иброҳимов, раиси ҷамъият ё диаспораи тоҷикон дар Перм ба Озодӣ гуфтааст ҳодиса дар пайи моҷарои оилавӣ рух додааст. “Шавҳар аз занаш хостааст, ки фарзанд таваллуд кунад, вале ӯ бинобар вазъи нохуби саломатӣ вориди баҳс шудааст. Ҳамин тавр, кор ба куштор кашида шудааст”.
Гуфта мешавад, гумонбар 26-сол дошта аз сӯйи кормандони полис боздошт шудааст. Азия Плюс аз қавли расонаҳои русӣ менависад, ки нимаи дуюми рӯзи панҷшанбе гумонбар ба маҳалли фоҷиа кӯчаҳои Есенин ва Маяковский оварда шуда нишон додааст, ки чӣ тавр даст ба куштор задааст. Фарзандони ноболиғи ин хонавода ба як муассисаи иҷтимоии Перм бурда шудаанд.
