Расонаҳои қирғизӣ гузориш медиҳанд, ки имрӯз, 27-уми январ соати 18:00 ба вақти маҳаллӣ роҳи мошингарди Бодкент- Исфара дар минтақаи “Торт Кочо” аз тарафи Кумитаи марзбонии Тоҷикистон баста шудааст ва вазъият муташаниҷ гузориш дода мешавад.
Зубайдулло Шомадов, сухангӯи ҳукумати Исфара ба Радиои Озодӣ гуфтааст, ки роҳи ҷамоати Ворух ва Хоҷаи Аъло ба маркази Исфара аз ҷониби сокинони Қирғизистон баста шудааст ва садои тир шунида мешавад.
Дар ҳамин ҳол телеграм-канали “Короче-кг” як наворе аз минтақаи нооромиҳо нашр кардааст, дар он шунида мешавад як нафар ба забони русӣ мегуяд: “феълан роҳро боз накунед ва иҷоза надиҳед касе убур кунад”. Ва дар охири навор муллаиф мегӯяд: “Торт-Коча”.
Сомонаи хабарии қирғизӣ “24.kg” менависад, ки нерӯҳои марзбонии Қирғизстон ба ҳолати омодабош даромадаанд ва дар минтақаи нооромиҳо садои тирпарронӣ шунида мешавад. Дар ин бора масъулини Кумитаи марзбонии Тоҷикистон то ҳанӯз вокунише накардаанд.
