6.9 C
Dushanbe

Хабарҳои варзишии тозаи Тоҷикистон

Бино ба навиштаи сомонаи расмии “Кумитаи милли Олимпии Тоҷикистон” 30-31 январ дар толори Муассисаи давлатии “Мактаби ҷумҳуриявии тайёрии олимпии дастаҳои мунтахаб” мусобиқаи ҷумҳуриявӣ оид ба “ҷудо” байни калонсолон баргузор гардид.

Дар ин мусобиқа 273 варзишгар аз минтақаҳои гуногуни кишвар ширкат карданд.

Ба гуфтаи “Федератсияи ҷудои Тоҷикистон” ҳадаф аз баргузор кардани мусобиқа дар аввали сол муайян кардани мавқеи паҳлавонон дар радабандии ягонаи ҷумҳуриявӣ мебошад, ки имкон медиҳад ҳангоми сафарбарии онҳо ба мусобиқаҳои байналмилалӣ беҳтаринҳо бе мушкилӣ интихоб шаванд.

Рӯзи якум қувваозмоиҳо дар вазнҳои -60кг, -66кг ва -73кг, рӯзи дуюм қувваозмоиҳои дар вазнҳои -81кг, -90кг, -100кг, +100кг ва дар ду вазн миёни бонувон сурат гирифт.

Инчунин хабари дигаре дар мавриди варзиши Тоҷикистон расида, ин аст ки тими мунтахаби наврасони кишвар оид ба футбол (U-17) дар аввалин бозӣ дар мусобиқаи байналмилалии “Ҷоми рушд-2021” тими Қазоқистонро бо ҳисоби 7:1 шикаст дод. Ин мусобиқа рӯзи 31-уми январ дар Минск баргузор гардид.

Голҳоро дар ҳайати тими мунтахаби наврасони Тоҷикистон, Абдулфаттоҳ Худойдодзода, Меҳрубон Каримов, Алиҷони Айнӣ, Хусрав Тоиров, Хуршед Давлатзода, Шаҳриёри Иноятулло ва Асадбек Ҷурабекзода заданд.

Дар даври дуюми “Ҷоми рушд-2021” 3-юми феврал футболбозони навраси Тоҷикистон бо дастаи Молдова вомехуранд, ки дар даври аввал бар тими Белорус бо ҳисоби 3:1 ғолиб омада буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.