27.9 C
Dushanbe

Ҳалокати 41 нафар дар пайи сарозер шудани автобус

Рӯзи якшанбе, 29-уми январи соли ҷорӣ дар вилояти Балучистони Покистон як автобус аз баландӣ ба ҷарӣ сарозер шуда, сипас оташ гирифт, ки дар натиҷа 41 нафар мусофирони дохили он ба ҳалокат расиданд.

Акс аз сомонаи хабаргузории “Ал-Ҷазира”

Хабаргузории “Ройтерз” аз қавли Исрор Умронӣ, афсари пулиси ноҳиявӣ хабар дод, ки автобус ҳомили 48 мусофир буд, вале наҷотдиҳандагон то кунун ҷасади 41 нафарро аз зери сухтаҳо ва оҳанпораҳои он пайдо кардаанд, ки баъзеи онҳо хеле зиёд сӯхтаанд, ки чеҳраҳояшон шинохта намешавад.

Ба гуфтаи мақомот, автобуси ҳомили 48 нафар дар роҳ аз пойтахти Балуҷистон Кветта ба шаҳри ҷанубии Карочӣ сафар мекард, ки дар роҳ ба ҷарӣ сарозер шуд.

Мақомти интизомии Балучистони Покистон ба рӯзномаи “Dawn” гуфтанд, ки автобус аввал ба як пояи пуле, ки аз болои ӯ мегузашт, бархӯрда ва сипас ба ҷарӣ сарозер шуда, оташ гирифт.

Мақомоти маҳаллӣ гуфтаанд, автобус бар иловаи одамон инчунин чанд бочкаҳои бензин низ дар дохил ҳамроҳ дошт ва дар зарбаи аввал ин бензинҳо оташ гирифтанд, ки дигар наҷоти мусофирон имконнопазир шуд.

Бино ба иттилои рӯзномаи “Фаронса” роҳҳои мошингарди Покистон аз хатарноктарин роҳҳои дунё ба шумор рафта, солона садҳо нафар дар ин кишвар ба сабаби роҳҳои тахмиру тармимношуда ва инчунин риоя нашудани қоидаҳои бехатарии роҳ дар тасодуфҳо ҷони худро аз даст медиҳанд.

Аз ҷумла, моҳи июни соли гузашта бар асари сарозер шудани як микроавтобуси мусофирбар ба дараи амиқ дар Балуҷистон дастикам 22 нафар кушта шуданд, ки 9 нафари онҳо узви як хонавода буданд.

Ба гузориши Созмони беҳдошти ҷаҳонӣ, дар Покистон танҳо соли 2018 бар асари садамаҳои роҳ бештар аз 27 ҳазор нафар кушта шуданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Қазоқистон беш аз 310 ҳазор қурбонии сиёсиро сафед кард

Қазиқистон ҳам мисли хеле дигар аз кишварҳои собиқ Иттиҳоди Ҷамоҳири Шӯравӣ қурбониёни сиёсии даврони столниашро сафед кард, Тоҷикистон чӣ?

HRW дар нома ба Байден аз нақзи ҳуқуқи башар дар кишварҳои Осиёи Марказӣ гуфт

Дидбони Ҳуқуқи Башар (HRW) бо нашри изҳороте аз Ҷо...

Таҳдид зиндон барои навиштани “Ҷумъа муборак” дар Тоҷикистон

Мақомоти Тоҷикистон аз ин ба баъд ирсоли паёмаки "Ҷумъа муборак"-ро дар Тоҷикистон ҷурм дониста, барои он то ҷарима ва ҳатто ҳабсро пешбинӣ кардаанд.

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.