Шаби 26 сентябр, тахминан соати 22:45 дар километри 550-уми шоҳроҳи федералии М-5 «Урал» дар наздикии шаҳри Нижний Ломов, воқеъ дар 110-километрии шимолуғарби шаҳри Пенза, рӯзи 26 тсентябрн ду мошини сабукрави «Lada Priora» ва «Ford Focus» бо ҳам бархӯрдаанд, ки дар натиҷа ронандаи 46-солаи «Лада» ва мусофири 38-солаи вай дар ҷои ҳодиса ба ҳалокат расидаанд.
Сомонаи “Ахбор” хабар додааст, нафарони дар ин садама ба ҳалокат расида шаҳрвандони Ҷумҳури Тоҷикистон аз ноҳияи Исфара бародарон Бахтиёр ва Зафар Қурбоновҳо будаанд.
ГИБДД вилояти Пенза хабар додааст, ки ронандаи «Форд» ҷароҳати сабук бардошта, баъди расондани ёрии аввалияи тиббӣ ба хонааш рафтааст.
Сабабҳои садама то ҳол маълу нест, тафтишот дар ин самт идома дорад, гуфтааст, ГИБДД вилояти Пенза.
Ҳамасола дар Русия бар асари садамҳо садҳо нафар шаҳрвандони Тоҷикистон ҷон медиҳанд. Тибқи оморҳои ғайрирасмӣ зиёда аз якуним миллион шаҳрвандони Тоҷикстон дар Русия кору фаъолият мекунанд.
