25.9 C
Dushanbe

Ҳалокати як шаҳрванди Тоҷикистон дар Русия

Як шаҳрванди 40 солаи Тоҷикистон санаи 23 октябри соли равон дар шаҳраки Металлострой дар канори шаҳри Санкт-Петербург ҳангоми кор дар ҳудуди корхонаи “Ростеплострой” зери ғарами таҷҳизоти оҳану бетон монда, дар ҷои ҳодиса ҳалок шудааст.

Матбуоти Русия аз қавли пулиси ин шаҳр навиштаанд, ки дар бораи ҳалокати шаҳрванди 40-солаи Тоҷикистон сардори коргоҳи ширкати “Ростеплострой” соати 11:54 ба пулис хабар додааст.

Бино ба гуфтаи сардори корхона, ҳангоми ҷамъоварии партовҳо ногаҳон таҷҳизоти оҳану бетон ба болои сари ин коргар чаппа шудааст.

Гуфта мешавад, ин шаҳрванди Тоҷикистон соли 2019 барои кор ба Петербург рафта, пас аз интишори каронавирус ва эълони қарантинаии сартосарӣ дар онҷо дармондааст.

Дар робита ба ин ҳодиса парванда боз шуда, тафтишот идома дорад, – гуфтаанд аз идораи пулиси шаҳраки Металлострой.

То ҳол дар бораи ному насаби ин муҳоҷири ҳалокгашта ва аз кадом минтақаи Тоҷикисон буданаш маълумоти пурра дастраси мо нагардидааст.

Ба иттилои ғайрирасмӣ зиёда аз ду миллион нафар шаҳвардони Тоҷикистон дар муҳоҷират қарор доранд, ки ҳамсола садҳо нафар шаҳрвандони Тоҷикистон дар ин кишвар ба ҳалокат мерасанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи 3400 муҳоҷир дар 6 моҳ

Дар шаш моҳи аввали соли ҷорӣ наздик ба сениюм ҳазор муҳоҷири тоҷикистониро мақомоти Русия ихроҷ кардаанд.

Оғози гармои шадид дар Тоҷикистон ва фармони Раҳмон ба мардум

Шурӯъ аз имрӯз дамои ҳаво дар бархе минтақаҳои Тоҷикистон ба таври камсобиқа гармтар шуда, ва он мақомотро нигарон кардааст.

Боздошти “РАЛИК” баъд аз нашри наворҳои баҳсбарангез

Рэпсарои ҷавони тоҷик Рамазон Муродов, ки бо тахалуси "РАЛИК" маъруф аст, рӮзи 23-уми июл пас аз интишори чанд навори интиқодӣ боздошт шуд.

Ҳалокати 5 узви як хонавода дар Суғд

Бар асари як садамаи нақлиётӣ дар вилояти Суғд 5 узви як хонавода кушта ва ду каси дигар захмӣ шудааст.