28.9 C
Dushanbe

Ҳамдардии Сироҷиддин Муҳриддин ба хонаводаи ҳамтои Беларусиаш

Вазири корҳои хориҷии Тоҷикистон ба хонавода ва пайвандони собиқ Вазири корҳои хориҷии Беларус изҳори ҳамдардӣ кард.

Бино ба иттилои сомонаи Вазорати корҳои хориҷии Тоҷикистон, имрӯз 28-уми ноябри соли 2022 Вазири корҳои хориҷии Тоҷикистон ба мақарри сафорати Беларус дар шаҳри Душанбе рафта, изҳори тасалият кард.

Ба қавли манбаъ, Вазири корҳои хориҷии Тоҷикистон дар робитаи марги Владимир Владимирович Макей, ҳамтои Беларусиаш ба сафорати он кашвар дар шаҳри Душанбе рафта, ҳамдардӣ кард ва дар Китоби тасаллияти бозшуда сабте гузошт, ки дар он, аз ҷумла чунин навиштааст:

“Аз номи кормандони хидмати дипломатии Ҷумҳурии Тоҷикистон ва шахсан аз номи худам ба тамоми кормандони хидмати дипломатии Ҷумҳурии Беларус дар робита ба даргузашти нобаҳангоми вазири корҳои хориҷӣ Владимир Владимирович Макей ҳамдардии самимона изҳор менамоям…” Ва дар охири ин сабт чунин омадааст: Бо ғаму андуҳи хешон ва наздикони Владимир Владимирович ҳамроҳ ҳастам. Рӯҳат шод бод, дӯсти азиз…”

Гуфта мешавад, Владимир Владимирович Макей, собиқ Вазири корҳои хориҷи Беларус, шанбе 26-уми ноябри соли ҷорӣ ба сурати нобаҳангом вафот кард ва мақомоти он кишвар дар бораи иллатҳо ва ё сабабҳои марги вай тафсилоте ироа накардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.