27.9 C
Dushanbe

Ҳамла ба як бемористони кӯдакон дар Украина хашми ҷаҳониёнро барангехт

Русия пас аз эълони оташбаси 12-соата дар 5 шаҳри Украина ба яке аз бемористонҳои кӯдакона ва зоймон ҳамла карда, дар натиҷа даҳҳо модару кӯдакро маҷрӯҳ кард.

Бахши зоймони бемористони кӯдаконае, ки дар шаҳри Мориупол мавриди ҳамла қарор гирифтааст. Акс аз ББС

9-уми марти соли 2022 нерӯҳои Русия дар Ҷануби Украина дар шаҳри Мориупол як бахши зоймони як бемористони кӯдаконаро мавриди ҳамла қарор дода, даҳҳо модару кӯдакро захмӣ карданд.

Президенти Украина Владимир Зеленский ин иқдоми Русияро “наслкӯшии украиниҳо” тавсиф карда гуфт: Федератсияи Русия чӣ кишварест, ки аз бемористонҳои кӯдакона ва зоишгоҳҳо меҳаросад ва мехоҳад онҳоро нобуд кунад?

Дабири кулли Созмони Миллали Муттаҳид ин ҳамларо “ваҳшатнок” тавсиф карда, аз Русия хост, ки ба “хушунатҳои бедалел” дар Украина поён диҳад.

Инчунин вазири умури хориҷаи Амрико ҳам ин ҳамларо маҳкум карда, Русияро ба “иқдомҳои ноҷавонмардона” дар Украина муттаҳам намудааст.

Нахуствазири Бритония ҳам ин ҳамларо маҳкум карда гуфтааст: Ҳеч чизе “ғайриахлоқитар аз ҳамла ба инсонҳои осебпазир ва бедифоъ” вуҷуд надорад.

Мақомоти Русия аз ин иқдоми худ изҳори пушаймонӣ накардаанд, балки ба гуфтаи ББС Вазорати дифои Русия гуфта, ки дар ин амр “кӯтоҳӣ аз ҷониби Украина сурат гирифта, зеро онҳо дар хориҷ кардани ғайри низомиён аз минтақаҳои даргир корро кашол додаанд.”

Гуфта мешавад, бар асари ин ҳамлаи Русия ба бахши зоишгоҳи бемористони кӯдакона дар шаҳри Мориупол намои зоҳирии бино хароб ва қариб тамоми шишаҳои тирезаҳои он шикаста ба замин рехтаанд. Кормандони полис ва дар якҷоягӣ бо нерӯҳои Украина занони бордор ва кӯдаконро ба ҷои амн интиқол додаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Нишастҳои матбуотии вазоратхонаҳо шурӯъ мешавад.

Қарор аст, шурӯъ аз 21-уми июли соли ҷорӣ нишастҳои...

Баргузории нишасти навбатии ҲНИТ

Ҳизби Наҳзати Исломии Тоҷикистон бо баргузории як нишасти худ...

Норасоии оби ошомиданӣ дар Тоҷикистон

Бархе сокинони шаҳри Кӯлоби вилояти Хатлон мегӯянд, ки ҳукумати...

Русияву Чин вазъи ҷанг дар Украинаро баррасӣ карданд

Вазирони корҳои хориҷии Русия ва Чин дар рафти мулоқоти...