23.9 C
Dushanbe

Ҳамла ба хонаи вазири дифоъ

Шаби сешанбе ба чоршанбе ба хонаи вазири дифои Афғонистон Бисмиллоҳ Муҳаммадӣ ҳамла сурат гирифт, ки дар натиҷа 8 кушта бо шумули як нигаҳбони вазири дифоъ ва 20 нафар захмӣ шуд.

Вазорати дохилаи Афғонистон дар изҳороташ гуфт, ҳамлаи мазкур рӯзи сешанбе соати 8-и шаб ба вақти маҳаллӣ дар минтақаи Шерпури маҳаллаи даҳуми амниятии шаҳри Кобул рух дод. Тибқи иттилои Вазорати дохила дар назди хонаи вазири дифоъ нахуст мошини бобмгузоришуда бо миқдори зиёди маводи тарканда метаркад, сипас чаҳор муҳоҷим бо нигаҳбонон даргир мешаванд.

Гуфта мешавад, ки ҳангоми таркиш оқои Муҳаммадӣ ва хонаводааш дар хона ҳузур надоштанд. Ҳамчунин дар ҳамсоягии оқои Муҳаммадӣ низ хонаи чанд вакили парлумони Афғонистон осебҳои зиёд дидаанд.

Тибқи манобеи маҳаллӣ, пас аз таркиш нерӯҳои амниятӣ ба макони ҳодиса расиданд ва даргирӣ байни муҳоҷимон ва нерӯҳои амниятӣ то аз по даровардани муҳоҷимон ба муддати 5 соат тӯл кашидааст.

Толибон масъулияти ҳамларо ба дӯш гирифта ва гуфтаанд, ки ин оғози ҳамлаҳо ба шаҳри Кобул ва шахсиятҳои калидии Афғонистон аст. Толибон гуфтаанд, ки дар хонаи вазири дифоъ ҷаласае бо ҳузури Аҳамади Масъуд, писари Аҳмадшоҳ Масъуд мегузашт, ки онро ҳадаф қарор дода буданд. Вале манобеъ мегӯянд, дар хона касе набудааст.

Ин таркиши мудҳиш дар минтақаи сабзи амниятии Кобул суолҳоеро дар зеҳни мардум халқ карда, ки ҳамла дар ин минтақа чӣ гуна сурат гирифтааст?

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.