25.9 C
Dushanbe

Ҳамла болои як оилаи мусалмон дар Канада 4 кушта баҷо гузошт

Пулиси шаҳри Лондон дар вилояти Онтариои Канада аз ҳамлаи нажодпарастон ба мусалмонон хабар дод.

Бино ба гузориши “DW” бо такя ба пулиси Канада, ронандаи як мошини боркаш қасдан аз рӯи нажодпарастӣ аъзои як оилаи мусалмонро дар ин кишвар зер кардааст. Дар натиҷаи ин ҳамла 4 нафар узви ин оилаи мусалмон ба ҳалокат расиданд ва танҳо як кӯдаки 9-сола бо ҷароҳатҳои вазнин зинда монд. Полис ронандаи мошини боркашро боздошт кард.

Полис гуфт, ки ҳамлаи мошини боркаш ба як оилаи мусалмон дидаву дониста буд ва қурбониён танҳо ба хотири эътиқоди исломии онҳо мавриди ҳадаф қарор гирифтанд.

Ба гуфтаи полис, далелҳо мавҷуданд, ки ҳамла амали тарҳрезишуда буд.

Ҳамлаи мошини боркаш ба оилаи мусалмонон шоми якшанбеи 17 июн дар Лондон, дар наздикии Торонто, ба амал омадааст.

Ронандаи 20-солаи боркаш панҷ нафарро дар пиёдагард зер карда ва сипас аз ҷои ҳодиса фирор кардааст, аммо баъдан аз ҷониби пулис боздошт шудааст.

Дар ин ҳамла як зани 74-сола, марди 46-сола ва зани 44-солаи ӯ, инчунин духтари 15-солаи онҳо кушта шуданд ва танҳо кӯдаки 9-солаи бо ҷароҳатҳои вазнин ба беморхона мунтақил шудааст.

Гуфта мешавад, ки ронандаи мошини боркаш бо хонаводаи қурбонӣ робитае надоштааст.

Дар ҳамин ҳол Сарвазири Канада, Ҷастин Трюдо дар саҳифаи Тивиттераш ба наздикони қурбониён изҳори тасаллият кард ва навишт, ки аз ин ҳодиса “ваҳшатзада” шудааст.

Трюдо ба оилаҳои қурбониён тасаллият гуфт ва аз мусалмонони Канада ҳимоят кард. Сарвазири Канада таъкид кард, ки исломҳаросӣ дар ҷомеа ҷойгоҳе надорад ва нафрат ба мусулмонон бояд мутваққиф шавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.