28.9 C
Dushanbe

Ҳамоиши эътирозии аъзои “Гурӯҳи24” дар Олмон

7-уми октябри соли ҷорӣ ҷамъе аз аъзои “Гурӯҳи24” дар шаҳри Кёлни Олмон ҳамоиши эътирозӣ баргузор карданд.

Ба навиштаи сомонаи расмии “Гурӯҳ24”, ҳадаф аз ин ҳамоиши эътирозӣ дар назди бинои Хадамоти муҳоҷирати Вазорати корҳои дохилаи Олмон дар шаҳри Кёлн баррасии мунсифонаи парвандаҳои паноҳҷӯёни сиёсӣ ва фаъолони ҷомеаи мадании Тоҷикистон дар кишварҳои узви Иттиҳоди Аврупо будааст.

Дар гузориш омадааст: “Иштирокчиёни ин ҳамоиш бо дар даст доштани овезаҳо ва шиорпартоиҳо аз Ҳукумати Олмон ва дигар кишварҳои Иттиҳодияи Аврупо талаб намуданд, ки дар таҳқиқ ва аз нав баррасӣ намудани қазияҳои мухолифин ва паноҳҷӯёни сиёсӣ ба адолат ва қонунҳои байналмилалӣ такя намоянд.”

Пештар ин гурӯҳ эълон карда буд: “Ахиран мақомоти кишвари Олмон ва бархе аз кишварҳои Аврупо ба дархости як теъдод аз паноҳҷӯёни сиёсии тоҷикистонӣ дар бори додани паноҳандагӣ ҷавоби радд доданд, ки ин ҳодиса метавонад ба истирдоди ин муборизин ва мухолифин ба Тоҷикистон сабаб гардад.”

Кишварҳои узви Иттиҳоди Аврупо, ки дар ҳоли ҳозир аксари мухолифини ҳукумати Эмомалӣ Раҳмон ба онҳо панаҳ овардаанд, бо сабабҳои мухталиф дархости панҳодагии бархе аз мухолифини тоҷикро рад намуда, тайи се соли ахир дасти кам се нафари онҳоро ба Тоҷикистон истирдод карданд, ки дар натиҷа ба муддатҳои тӯлонӣ маҳкум ба зиндон шудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафари кории хабарнигрони AZDA TV ба Норвегия

Гузориши кӯтоҳе аз сафари ҳайати Azda TV ба Норвегия ва иштирок дар "Форуми Озодии Осло 2024"

Манъи пӯшидани “ниқоб” дар Русия

Вакилони парлумони Русия лоиҳаи конун дар бораи манъи пӯшидани либосҳое, ки чеҳраро пинҳон мекунад, барои баррасӣ ба ҳукумат фиристодаанд.

Даҳҳо зиндонии қирғиз дар Тоҷикистон

Мақомоти адлияи Қирғизистон мегӯянд, ки даҳҳо нафар аз шаҳрванди ин кишвар дар зиндонҳои Тоҷикистон ба сар мебаранд.

Боздошти 8 тоҷик дар Амрико бо гумони ҳамкорӣ бо ДИИШ

Рӯзи сешанбе, 11-уми июни соли ҷорӣ мақомоти Амрико 8 шаҳрванди Тоҷикистонро бо иттиҳоми иртибот бо ДИИШ боздошт карданд.