33.9 C
Dushanbe

Хариду фурӯш ва доштани кадом навъи китобҳо дар Тоҷикистон мамнӯъ аст?

Дирӯз 10-уми феврал нишасти матбуотии Кумитаи дин, танзими анъана ва ҷашну маросимҳои Тоҷикистон баргузор гардид. Дар ин нишасти матбуотӣ масъулини Кумитаи дин таъкид доштанд, ки нашри китобҳое, ки равияҳои экстремистиву террористӣ доранд дар қаламрави Тоҷикистон манъ аст.

“Масалан ташкилоти террористии ДОИШ як силсила китобҳои тарғиботӣ дорад, ки бо истифдаи оятҳои қуръонӣ ва ҳадисҳои набавӣ мехоҳад амалҳои худро дуруст нишон диҳад, яъне ҷиҳод, шаҳид шудан ва  кушатани мусалмонон ҳақ аст. Чунин маводҳои тарғиботӣ аз ҷониби аксари ташкилотҳои террористӣ ба назар мерасад”, – қайд карданд масъулини Кумитаи дин.  

Ҳамчунин Кумитаи дин ба суоли рӯзноманигорон, ки маводҳои ифротӣ гуфта, чиро дар назар доранд, гуфт, ки ба маводҳои ифротӣ, даъватҳои оммавӣ барои барҳам додани сохти конститутсионӣ, фаъолияти экстреместӣ, ки аз ҷониби мақомоти ҳифзи ҳуқуқ дар асоси гузаронидани ташхиси диншиносӣ муайян мешавад, дохил мешаванд.

Масъулини Кумитаи дин мегӯянд, маводҳое, ки дар Тоҷикистон нисбати онҳо хулосаи манфӣ дода шудааст, бештарашон дар шабакаҳои интернетӣ нашр шудаанд.

Ин ниҳод зикр кард, ки маводҳои дорои афкори сиёсиро аз ташхис намегузаронанд, танҳо маводҳои Ҳизбут-таҳрир, ДОИШ, Ҷабҳат-ан-нусра, Ансоруллоҳ, равияҳо ва ташкилотҳое, ки бо қарори суди олӣ фаъолияти онҳо дар ҳудуди Тоҷикистон манъ карда шудааст, таҳлил менамоянд.

Ҳамзамон Кумитаи дин гуфт, ки ба маводҳои шахсоне, ки ба гуфтаи онҳо мақсадҳои ғаразнок доранд ва ба воситаи паҳн кардани фикру андешаҳои худаш бо истифодаи ояту ҳадисҳо фатвоҳои дуруғин ё фатвоҳое, ки хилофи мазҳаби Ҳанафӣ ҳаст медиҳанд, хулосаи манфӣ дода мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.