14.9 C
Dushanbe

Ҳиндустон ширкати Гуглро 162 млн. доллар ҷарима кард

Комиссияи рақобатҳои Ҳиндустон ширкати “Alphabet Inc’s Google“-ро ба сӯиистифода аз барномаҳои Андроид ва пешакӣ насб кардани бархе барномаҳо муттаҳам намуда, ба маблағи 162 миллион доллар ҷарима кард.

Бино ба иттилои расонаҳои ҳиндутсонӣ, “Комиссияи рақобатҳои Ҳиндустон ё (The Competition Commission of India {CCI}) дар Твиттер навишт, ки Google-ро барои “сӯиистифода аз мавқеи бартарӣ дар бозорҳои сершумор дар экосистемаи дастгоҳи мобилии Android” ҷарима кардааст.”

Комиссияи рақоботҳо, ки бозори истеъмолкунандагонро дар Ҳиндустон назорат мекунад, иддао дорад, ширкати Гугл, ки молики системаи Андроид аст, бархе барномаҳои худро бузургнамоӣ намуда, бидуни имкони ҳазф кардан, онҳоро аз қабл дар система ворид мекунад ва ба ин васила имконоти дигар истеҳсолкунандагони телефонҳои ҳамроҳро маҳдуд менамояд, ки ин чиз мухолифи қонун дар бораи рақобат аст.

Пеш аз ин дар соли 2017 Комиссияи Аврупо ба хотири инҳисорӣ кардани бозор онро 2.42 миллиард ва дар соли 2018 4.35 миллиард евро ҷарима карда буд. Ин шикатро дигар давлатҳо низ, аз ҷумла Тоҷикистон маҷбур карда буданд, ки ба хотири фоидаҳое, ки аз истеъмолкунандагон касб мекунад, моҳона ҳисобот ва молиёти онҳоро пардохт кунад.

Гуфта мешавад, шикати Гугл яке аз ширкатҳои ғулпайкари амрикоӣ аст, ки дар бозорои таҷҳизоти электронӣ ва фанноварии барномаҳои компутерӣ ва телефонҳои ҳамроҳ пешсаф аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.