27.9 C
Dushanbe

Хадамоти матбуоти Президент Ворухро “анклав” медонад

Хадамоти матбуоти Президенти Тоҷикистон ҷамоати деҳоти Ворухи шаҳри Исфараро “анклав” ва ҷузъи қаламрави Қирғизистон муаррифӣ кардааст.

Акс аз сомонаи Хадамоти матбуоти Президенти Тоҷикистон

Хадамоти матбуоти Президент дар сомонаи расмии худ аз расми харитае истифода карда, ки ҷамоати деҳоти Ворухи шаҳри Исфараи вилояти Суғдро ҷудо аз қаламрави Тоҷикистон нишон медиҳад.

Ҳамзамон чунин ба ин монанд иштибоҳеро

Аксари муҳаққиқони Тоҷикистон, фаъолону огоҳони умур ва хеле аз хаританигорҳои гузашта ҳам дар нақшаҳои худ Ворухро “анклав” (бурунбум) намедонанд, балки барои мисол тибқи харитаҳои солҳои 1925-1927 онро дар дохили ҳудудҳои маъмурии Тоҷикистон муаррифӣ кардаанд.

Бо ин вуҷуд, 19-уми апрели соли 2021 Эмомалӣ Раҳмон дар як сухнаронии худ дар шаҳри Исфара дар “масъалаи делимитатсия ва демаркатсияи сарҳади давлатӣ байни Тоҷикистон ва Қирғизистон” гуфта буд, “таъкид месозам, ки дар тамоми муддати гуфтушунидҳо, яъне тайи 19 сол масъалаи иваз кардани Ворух бо ягон ҳудуди дигар вуҷуд надошт ва вуҷуд дошта ҳам наметавонад.”

Ҳамзамон муовини вазири корҳои хориҷии кишвар Содиқ Имомӣ имрӯз, 19-уми сентябр дар нишасти хабарие ба рӯзноманигорон гуфт, ки Ворух анклав нест ва он ба ҳудуди Тоҷикистон пайванд аст.

Гуфта мешавад, тайи чанд соли ахир шаҳри Исфара ва бахусус ҷамоати деҳоти Ворух ба яке аз марказҳои низоъ дар манотиқи наздисарҳадии Тоҷикистон ва Қирғизистон табдил ёфтааст. Шаҳри Исфараи вилояти Суғд наздик ба 300 ҳазор аҳолӣ дорад ва танҳо дар ҷамоати деҳоти Ворух зиёда аз 43 ҳазар нафар зиндагӣ мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Қазоқистон беш аз 310 ҳазор қурбонии сиёсиро сафед кард

Қазиқистон ҳам мисли хеле дигар аз кишварҳои собиқ Иттиҳоди Ҷамоҳири Шӯравӣ қурбониёни сиёсии даврони столниашро сафед кард, Тоҷикистон чӣ?

HRW дар нома ба Байден аз нақзи ҳуқуқи башар дар кишварҳои Осиёи Марказӣ гуфт

Дидбони Ҳуқуқи Башар (HRW) бо нашри изҳороте аз Ҷо...

Таҳдид зиндон барои навиштани “Ҷумъа муборак” дар Тоҷикистон

Мақомоти Тоҷикистон аз ин ба баъд ирсоли паёмаки "Ҷумъа муборак"-ро дар Тоҷикистон ҷурм дониста, барои он то ҷарима ва ҳатто ҳабсро пешбинӣ кардаанд.

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.