26.9 C
Dushanbe

Ҳоҷӣ Акбар Тураҷонзода дар мавриди муноқишаи марзӣ чӣ гуфт?

Имрӯз 3 май Абдусаттор Пирмуҳаммадзода дар шабакаи ютубиаш навореро аз суҳбати Ҳоҷи Акбар Тураҷонзода нашр кард. Дар ин навори кӯтоҳ собиқ қозии мусалмонони Тоҷикистон ба хонаводаҳои ҷонбохтагони даргирии ахири марзӣ ибрози ҳамдардӣ ва таслият намуд ва изҳори умедворӣ кард, ки масъулони ду кишвар ҳарчи зудтар бо роҳҳои мусолиматомез мушкилотро ҳал мекунанд.

Оқои Тураҷонзода дар идомаи суҳбаташ мардуми ду кишварро ба иттиҳоду ҳамбастагӣ даъват намуда, ҳифзи манофеи ду миллат, ду кишвар ва афроди онро, ки бо кумаки ҳамдигар ба даст меоянд, зарур донист.

Ҳамчунин афзуд, ки чи қирғизҳо ва чи тоҷикҳо дар он минтақа солҳои тӯлонӣ бо ҳам зиндагӣ кардаанд ва кинаафканиву душмантарошӣ дар байни онҳо зарарҳои зиёд бар сари сокинони ду кишвар хоҳад овард. Чун тоҷикони зиёди ин минтақа тариқи Қирғизистон ба Русия сафар мекунанд ва ин боис мегардад, ки мушкилоташон дучанд гардад.

Ӯ ҳамчунин барои кумаку дастгирии марудми зарардидаи Исфара пешниҳод кард, ки бо ташаббуси шахсиятҳои муътабар ва мавриди эътимоди ҷомеа суратҳисоби бонкӣ роҳандозӣ шавад то мардуми кишвар дар кумак намудан ба онҳо саҳм гузоранд. Ва кумакҳо ба шахсоне расонида шаванд, ки наздиконашонро аз даст доданд ва ё хонаву молу дороиҳояшон аз байн рафтааст.

Тураҷонзода ба нафарони муътамади ҷомеа ба чанд рӯзноманигор ва донишманди ҷавону матраҳ, ба монанд Умед Ҷайҳонӣ, Раҷаби Мирзо, Иршод Сулаймонӣ ва Абдусаттори Пирмуҳаммадзода ишора кард, ки ба монанди ин шахсиятҳо метавонанд ин ташаббуси ташкили бунёди хайриявиро ба даст гиранд ва ба мардум гузориш бидиҳанд, ки маблағҳои ҷамъшуда дар куҷо ва чӣ гуна масраф мешаванд.

Дар охири суҳбаташ собиқ муовини сарвазири кишвар ва қозии мусалмонони Тоҷикистон изҳори умедворӣ намуд, ки мақомот дар музокироташон бо ҷониби ҳамсоя манофеи кишвар ва сокинони ин минтақаро ба инобат мегиранд ва намегузоранд сарзаминҳои аз дастрафта барои ҳамеша дар дасти бегона қарор гирад.

Ёдовар мешавем, ки Ҳоҷӣ Акбар Тураҷонзода яке аз чеҳраҳои шинохтаи ҷомеаи Тоҷикистон буда, дар ҳаводиси солҳои 90 асри гузашта бештар матраҳ гардид. Ин хонаводаи маъруф баъд аз баста шудани масҷиди эшони Нуриддинҷон, бародари Ҳоҷӣ Акбар то ҷое дар ҷомеа хеле кам пайдо мешаванд. Суҳбату суханрониҳояшон низ кам шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.