32.9 C
Dushanbe

Ҳодисаи садамаи маргбори “пули кӯҳна”-и Хуҷанд таҳқиқ мешавад

Сурат: Фейсбук

Мақомоти вилояти Суғд баъди садамаи фоҷиабори болои “пули куҳна”-и шаҳри Хуҷанд Рустамхуҷа, бародари Баҳром Азаматов масъули Бозрасии давлатии автомобилии Суғдро боздошт кардааст.

Манбаи “Спутник” аз сохтори интизомии Суғд хабар додааст, ки мақомоти тафтишотӣ дар пайи рухдоди садамаи фоҷиабор дар болои пули Сирдарёи Хуҷанд, Азаматови хурдиро дастгир кардаанд.

Ба гуфтаи манбаи “Спутник” “Рустам Азаматов, ду рӯз пеш дастгир шудааст ва нисбати ӯ бо моддаҳои 212 қисми 2, (вайрон кардани қоидаи ҳаракати роҳ ва истифодаи нақлиёт, ки боиси марги инсон, расонидани зарари вазнин ба саломатӣ гаштааст) ва 127 қисми 2 (дар хатар монондан) парвандаи ҷиноятӣ боз карда шудааст. Мурофияи додгоҳии ӯ дирӯз дар суди Хуҷанд доир гаштааст”.

Гуфта мешавад, Рустамхуҷа Азаматов, сокини 23 солаи ноҳияи Бобоҷон Ғафуров бародари Баҳром Азаматов, масъули додани рақамҳои давлатӣ барои восиатҳои нақлиёт дар БДА Суғд мебошад.

Шаби 3 октябр дар рӯи пули куҳнаи болои Сирдарё дар Хуҷанд садамаи фоҷиаборе рух дод, ки дар пайи он Акбар Ғаффорзода, корманди 32 солаи шуъбаи кофтукоби ҷиноии шуъбаи ВКД дар шаҳри Хуҷанд ба ҳалокат расида, чаҳор нафари дигар ҷароҳат бардошта буданд.

РВКД дар вилояти Суғд ба расонаҳо гуфта буданд, ки ҳодиса бо сабаби ба самти муқобили ҳаракат баромадани мошини тамғаи Mersedes GL ҷип, рақамаш 01 74, ки ба Баҳром Азаматов, масъули БДА Суғд тааллуқ дорад, рух додааст.

Дар Тоҷикистон садамаҳои нақлиётӣ аз ҷониби наздикон ва фарзандони мансабдорон хеле зиёд, дида мешавад, ки бо ҷаримаҳои ночиз аз ҷавобгарӣ озод мегарданд. Бархеи дигар баъди гирифтани доғи судӣ дар мақомоти давлатӣ низ фаъолият доранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.