36.9 C
Dushanbe

Ҳокими Дубай ҳудуди $718 млн алимент месупорад

Ҳокими Дубай ба собиқ ҳамсар ва ду фарзандашон, ки соли 2019 аз Амороти Муттаҳидаи Араб ба Бритониё фирор карда буданд, бо ҳукми суд ҳудуди 718 миллион доллар алимент бояд супорад.

Додгоҳи хонаводае дар Бритонияи Кабир Шайх Муҳаммад бин Рашид Оли Мактум, ҳокими Дубайро амр кард, ки бояд ба шоҳзода Ҳая бинт Ал-Ҳусайн, ҳамсари собиқаш 251 миллиону 500 ҳазор фунт стерлинг (ҳудуди 333 млн доллар) пардохт кунад.

Довар Филипп Мур, ки ҳукми талоқи онҳоро содир кард, барои ҳимоя ва нигоҳубини ду фарзанди онҳо низ 290 миллион фунт стрелинги иловагӣ ҷудо кардааст. Ин баландтарин маблағи алиментест, ки додгоҳи Бритониё дар парвандаи талоқ таъин кардааст.

Ҳаяи 47-сола бо ҳокими Дубай соли 2004 издивоҷ карда буданд. Вай ҳамсари шашуми амири Дубай ва хоҳари нотании (угай-аз падар як ва модаронашон ҷудо)-и шоҳ Абдуллоҳи Дувум, шоҳи Урдун тобистони соли 2019 бо ду фарзандаш аз Дубай фирор карда ва худи ҳамон сол барои ситонидани алимент ба додгоҳи хонавода дар Ландан шикоят кард.

Инчунин Додгоҳи хонаводагии Ландан ҳокими Дубайро муваззаф кардааст, ки ҳам алименти духтари 14-сола ва ҳам писари 9-солаашро пардохт кунад. Тамоми хароҷоти парастор ва мураббӣ, мошини зиреҳпӯш барои оила ва хароҷоти нигоҳдории ҳайвоноти хонагии кӯдаконро Шайх Муҳаммад ибни Рашид Оли Мактум бар ӯҳда хоҳад дошт.

Шайх Рашид Оли Мактум худи ҳамон сол талош кард кӯдаконашро ба Дубай баргардонад, аммо муваффақ нашуд, зеро ҳамсараш Ҳая нахост фарзандонашон дар тарбияи падарашон бимонанд. Вай ба додгоҳ муроҷиат карда хостори муҳофизати ҷони худ ва фарзандонашон шуд.

Ҳая бинти Ал-Ҳусайн собиқ ҳамсари ҳокими Дубай ягона зане нест, ки аз ин хонавода фирор карда аст, балки пеш аз вай дар августи соли 2000 як духтари Ҳокими Дубай ҳам ба Бритониё фирор карда буд, вале баъдтар боздошт ва ба Дубай интиқол ёфта 8 сол ба зиндон маҳкум шуд.

Ҳая бар иловаи донишҳои сиёсӣ доштанаш як варзишкор ҳам ҳаст. Вай дар соли 2000 намояндаи кишавар Урдун дар мусобиқоти Олимпии Сиднӣ буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.