13.9 C
Dushanbe

Ҳукми 15 соли зиндон барои бо табар задани раиси маҳалла

Додгоҳи олии Тоҷикистон як сокини ноҳияи Файзободро ба хотири бо табар задан ба гардану бозуи раиси маҳалла ба 15 соли зиндони низомаш сахт маҳкум кард.

Додситонии кулли кишвар зимни нашри ин хабар мегӯяд, Камолов Нуридин сокини деҳаи Офтобрӯяи ҷамоати деҳоти Бӯстони ноҳия Файзобод бо раиси маҳаллаи мазкур Давлатов Қ.С. ҷанҷол карда, “аз рӯи хусумати шахсӣ” ӯро бо табари хоҷагӣ дар қисмати пушти гардану бозуи чапаш мезанад, ки дар натиҷа раиси маҳалла ҷароҳати вазнин мебардорад ва бо кумаки саривақтии ҳамдеҳагон ба бемористон интиқол ёфта, аз марг наҷот меёбад.

Пас аз боздошти Камолов Нуриддин додситонии ноҳияи Файзобод нисбати ӯ бо моддаҳои 32 қисми 3 ва 104 кисми 2 банди “д”-и КҶ Ҷумҳурии Тоҷикистон парвандаи ҷиноятӣ боз карда, пас аз тафтиши ниҳоӣ парвандаро ба Додгоҳи олии кишвар фиристоданд.

Додгоҳи олӣ 27-уми апрели соли 2022 бар асоси таҳқиқи муфаттишони додситнии ноҳияи Файзобод Камолов Нуриддинро бо моддаҳои 32 қисми 3-104 кисми 2 банди “д” КҶ Ҷумҳурии Точикистон гунаҳгор дониста, нисбати ӯ ҷазои маҳрум сохтан аз озодӣ ба муҳлати 15 сол бо адои ҷазои дар колонияи ислоҳии дорои низомаш сахт ҳукм содир кард.

Дар хабар гуфта нашудааст, ки Камолов кай ва дар кадом шароите ба раиси маҳалла ҳамла кардааст. Инчунин назари худи маҳкумшуда ва наздикони ӯ низ дастрас нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.