Ҳукумати Абузабӣ Тоҷикистонро аз “Рӯйхати сабз” берун кард

Мақомоти Абузабӣ Тоҷикистонро аз “Рӯйхати сабз” берун кардааст. Масъулони бахши беҳдошти Имороти Муттаҳидаи Арабӣ рӯзи 14 июн давлатҳои дар “рӯйхати сабз”-бударо бознигарӣ карда, аз он чанд давлат, аз ҷумла Тоҷикистонро, ки қаблан дар ин рӯйхат буд, берун карданд.

Бори охир сомонаи “Ал-Баён”-и наздик ба ҳукумати ИМА аз таҷдид ва бознигарии ин рӯйхат 24 май хабар дода буд, ки дар он  номи Тоҷикистон вуҷуд дошт, аммо баъд аз гузашти 3 ҳафта номи Тоҷикистонро аз ин рӯйхат берун карданд.

“Рӯйхати сабз” номгӯи кишварҳоест, ки ҳукумати Абузабӣ аз онҳо дар мавриди кам паҳн гаштани бемории корона ба он ворид мекунад. Ва мусофироне, ки аз ин кишварҳои барои саёҳат ба Дубай ё Абузабӣ сафар мекунанд, онҳоро 14 рӯз қарнтина (худинзиво) намекунанд.

Ин дар ҳолест, ки чанд рӯзи ахир расонаҳои тоҷикӣ аз мавҷи дигарбораи бемории ҳамагир дар Тоҷикистон хабар дода буданд, аммо Вазорати тандурустии кишвар вуҷуди онро мисли бори аввал қотеъона рад кард.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.