16.9 C
Dushanbe

Ҳушдори Маскав ба Амрико ва Ғарб

Маскав ба Амрико ва кишварҳои ғарбӣ дар мавриди ташдиди хатари ғайриқобили контрол ҳушдор дод. Дар ин бора Сергей Рябков, муовини вазири корҳои хориҷаи Русия “РИА Новости” гуфт.

Муовини вазири корҳои хориҷии Русия мегӯяд, бо таваҷҷуҳ ба дахолати фазояндаи Амрико ва Аврупо дар даргириҳои Украина, Русия маҷбур мешавад ба иқдомоти мутақобили кофӣ, аз ҷумла номутаносиб ва бештар аз ҷашмдоштро андешад.

Ин дар ҳолест, ки субҳи рӯзи 10-уми октябр Русия шаҳрҳои Украина, ба хусус Киевро бомборон карда, аксари зерсохторҳои бузурги энержии Украинаро аз байн бурд ва дар натиҷа аз мардуми осоишта 10 нафар кушта ва беш аз 60 нафар захмӣ шуданд.

Путин иддаъо кард, ки ин ҳамлаҳо ба хотири ҳамла ба пули Қрим аст, ки чанд рӯзи пеш тарконда шуд ва дар он хадамоти махсуси Украинаро муттаҳам кард.

Ёдовар мешавем, ки аз 24-уми феврали соли ҷорӣ Русия ҳамлаи густардаи худро зери номи “амалиёти махсус” ба Украина оғоз кард ва то имрӯз идома дорад. Дар пайи он садҳо ҳазор аз ду тараф кушта ва захмӣ ва миллионҳо нафар овора гаштаанд.

Амрико ва кишварҳои ғарбӣ барои пеши роҳи Русияро гирифтан аз шиддатёбии ҷанг болои Маскав таҳримҳои шадиди иқтисодиро ҷорӣ карданд. Аммо Маскав ҳамвора Амрико ва Ғарбро дар идома ёфтани ҷанг муттаҳам мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.

Аз истирдоди як тоҷик ба Душанбе пешгирӣ шуд

28-уми майи соли ҷорӣ аз истирдоди паноҳҷӯи тоҷик Сорбон Абдураҳимзодаи 30-сола аз Варшава ба Душанбе пешгирӣ шуд.