32.9 C
Dushanbe

Ҳушдори Толибон ба ҳамсоякишварҳо

Гурӯхи Толибон аз кишварҳои ҳамсоя аз ҷумла Тоҷикистон дархост карда аст, ки ба нерӯҳои низомии амрикоӣ пас аз хориҷ шуданашон аз Афғонистон иҷозаи мустақар шудан дар қаламрави хешро надиҳанд.

Тибқи гузориши “РИА Новости” дар ин баёния таъкид шуда, ки гурӯҳи Толибон ба ҳеҷ кишвари хориҷӣ иҷозаи иқдомоти низоми алайҳи ҳамсоягон дар Осиёи Марказиро нахоҳад дод ва ба ин далел интизор дорад, ки дар қаламрави ин ҷумҳуриҳо низ низомиёни амрикоӣ мустақар нашаванд.

Толибон ҳушдор доданд, ки дар сурати нодида гирифтани ин дархост ва додани иҷозаи истиқрори низомиёни Амрико дар қаламрави кишварҳои ҳамсоя дар пайи хуруҷи ин нерӯхо аз Афғонистон масъулияти авоқиби ин иқдом бо мақомоти ин кишварҳо мебошад.

Чанде пеш Замир Кабулов намояндаи вижаи раисҷумҳури Русия дар умури  Афғонистон бо ишора ба гузориши нашрияи амрикоӣ Вол Стритт журнал  дар бораи алоқамандии Вашингтон барои ҷойгир кунонидани нерӯҳои худ  дар Тоҷикистон ва Узбекистон гуфта буд:

“Тамосҳои тарафи Русия бо шарикони тоҷик ва узбеки худ нишон медиҳад, ки то кунун ҳеч дархости расмӣ аз сӯи Иёлоти Муттахида дар бораи эҷоди пойгоҳи низомӣ дар хоки ин кишварҳо сурат нагирифта аст ва мақомоти Тоҷикистону Узбекистон низ таъкид кардаанд, ки ин ғайри мумкин аст. Бинобар ин лозим нест мо мухолифат кунем.”

Кабулов гуфт, чунин тасмиме дар мавриди Тоҷикистон ниёзманди таъйиди Созмони Паймони Амнияти Дастаҷамъӣ аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.