9.9 C
Dushanbe

18,6 соли зиндон барои куштани хушдоман

Додгоҳи вилояти Хатлон сокини деҳаи ҷамоати деҳоти Ғалаободи ноҳияи Хуросон Бегматова Миҷгонаро бо иттиҳоми куштани хушдоманаш ба 18 солу 6 моҳ аз озодӣ маҳрум кард.

Акс аз гузориши Вазорати корҳои дохилаи Тоҷикистон

Тавре Додситони кулли Тоҷикистон хабар медиҳад, номбурда 2-уми майи соли 2022 бо сабаби муноқишаҳои оилавӣ ва баҳсу ҷанҷолҳои бардавом бо хушдоманаш Бобокалонова Гулбаҳор, ӯро шаб дар ҷойгаҳи хобаш бо курпа буғӣ карда мекушад.

Гуфта мешавад, дар ин ҷиноят Бегматова танҳо набуда, ӯро дугонааш Нурмаҳмадзода Мадина, як ҳамсояаашон будааст, низ ҳамроҳӣ кардааст.

“Баъд аз содир кардани куштори Бобокалонова Г.А., Бегматова М.С. бо Нурмаҳмадзода М. ба ҳуҷраи дигари хушдоманаш, ки дараш қулф буд, тариқи тиреза ворид шуда, аз дохили он маблағи 220 сомонӣ, як адад телефони мобилии тамғаи “Самсунг” бо арзиши 250 сомонӣ, як ҷуфт пойафзоли занона бо арзиши 25 сомонӣ, ва 2 ҷуфт куртаю поҷомаи Бобокалонова Г.А.-ро тасарруф намуда, аз ҷойи ҳодиса ғайб задаанд.”, омадааст дар хабар.

Додситони ноҳияи Хуросон нисбати Бегматова бо моддаҳои 104 қисми 2 бандҳои “е, з” ва 244 қисми 2 бандҳои “б, в, г” КҶ Ҷумҳурии Тоҷикистон парвандаи ҷиноятӣ боз кард ва Додгоҳи вилояти Хатлон охири моҳи сентябр ӯро ба 18 солу 6 моҳ аз озодӣ маҳрум сохт.

Додгоҳ ҳамчунин дугонаи ӯ Нурмаҳмадзодаро бо ҳамин моддаҳо (104 қисми 2 бандҳои “е, з” ва 244 қисми 2 бандҳои “б, в, г” КҶ Ҷумҳурии Тоҷикистон) гунаҳкор дониста, ба муддати 17 солу 6 моҳ аз озодӣ маҳрум сохт.

Назари наздикон ва вакилони дифои маҳкумшудаҳо то ҳол маълум нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.