14.9 C
Dushanbe

Вакили қирғиз: Протоколҳои бо Тоҷикистон имзошуда бекор карда шаванд!

Вакили парлумони Қирғизистон Султонбой Айҷигитов имрӯз, 28-уми сентябри соли 2022 зимни ҷаласаи парлумон талаб карда, ки ҳама протоколҳои бо Тоҷикистон имзошуда бекор карда шаванд.

Тавре расонаи “Kaktus.media” хабар медиҳад, ба гуфтаи ин вакили қирғиз, Тоҷикистон ошкоро ҷомеаи ҷаҳониро ба таҷовуз ва ғасби бузург аз пеш омода мекунад.

“Ятимов, раиси Кумитаи давлатии амнияти миллии Тоҷикистон пас аз имзои протоколи №42 гуфтааст, ки то замоне, ки талаботи протокол риоя мешавад, сулҳ байни ду кишвар пойдор хоҳад буд. Вай ҳамон ҳарфҳоро гуфт, ки соли 2021 замони имзои протоколи №39 гуфта буд”, – мегӯяд Султонбой.

Ин вакили парлумони Қирғизистон иддао карда, ки протоколҳои имзошуда бо Тоҷикистон зери фишор ва таҳдидҳои низомӣ сурат гирифтаанд ва ҳукми қонунӣ надоранд. Аз ин хотир бояд ҳамаи онҳо бекор карда шаванд.

“Моҳи феврал пешниҳод кардам, ки бо таъсиси як комиссия махсус ҳамаи протоколҳоро омӯзем. Онҳо бояд бекор карда шаванд. Қариб даҳ протокол аз расмиёти тасвиб нагузаштааст.” – мегӯяд ӯ.

Иддаои бекор кардани созишномаҳои сулҳи ду кишвар аз ҷониби вакили парлумони Қирғизистон дар ҳолест, ки пас аз даргириҳои ахири марзӣ дар рӯзҳои 14-17-уми сентябр раисони Кумитаҳои давлатии амнияти миллии Тоҷикистон ва Қирғизистон дар торихи 25-уми ҳамин моҳ протоколи хотима бахшидан ба муноқишаҳои марзиро имзо карданд.

Гуфта мешавад, мувофиқи созишномаҳои имзошудаи ахир, барои ҷилавгирӣ аз низоъҳо дар оянда бояд 8 посгоҳҳои марзӣ аз ду ҷониб, ки ҳамвора боиси низоъ мешаванд, бардошта шаванд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.