27.9 C
Dushanbe

Қирғизистон: Тоҷикистон ба мо беш аз 15 млн доллар зарар расонд

Девони вазирони Қирғизистон муддаӣ аст, ки Тоҷикистон ба онҳо ҳамла карда ва ба аҳолии Ботканд беш аз 1 милларду 305 миллион сом (ҳудуди 15 млну 400 ҳазор доллар) хасорот ворид кардааст.

Акс аз 

Ин ниҳод гуфта, ки бар иловаи хасороти моддӣ инчунин талафоти ҷонӣ ва маҷруҳони зиёде ҳастанд, ки то ҳол табобат мегиранд.

Девони вазирони Қирғизистон аз шаҳрвандони дохилӣ ва хориҷияш барои барқарорсозии хасороти воридшуда дар натиҷаи даргириҳои марзии баҳори имсол байни Тоҷикистону Қирғизистон хостори кумаки моддӣ шудааст.

Ин ниҳоди давлатӣ аз шаҳрвандонаш хоста, касоне мехоҳанд ба зарардидагон кумаки моддӣ бирасонанд, ба суратҳисобҳое, ки Вазорати ҳолатҳои фавқулодда ва мақомоти вилояти Бодканд боз кардаанд, маблағҳои кумакии худро интиқол диҳаднд.

Иддаои Девони вазирони Қирғизистон бори охир 20-уми октябр садо додааст, аммо то ҳол мақомоти Тоҷикистон, аз ҷумла Вазорати корҳои хориҷаи Тоҷикистон вокунише накардаанд.

Мақомоти Тоҷикистон дар додани оморҳои расмӣ, бахаусус хасорот ва талафоте, ки аз ҷониби ҳамсоя ба Тоҷикистон расонида шуда, худдорӣ мекунанд.

Инчунин пеши роҳи ташаббусҳои мардумӣ барои кумак ба аҳолии зарардидагон низ аз ҷониби ҳукумати Тоҷикистон гирифта шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.

Мулоқоти Эмомалӣ бо Дабири кулли СММ

Раисҷумҳури Тоҷикистон Эмомалӣ Раҳмон дар Ню-Йорк бо Дабири кулли Созмони Милали Муттаҳид Антониу Гутерриш мулоқот кард.

Озодии 10 зиндонӣ бо пардохти 6 миллиард доллар

10 нафар аз зиндониёни эронӣ ва амрикоӣ бо "пардохт"-и 6 миллиард доллар озод шуданд.

Зеленский ҷаҳонро аз оғози ҷанги ҷаҳонии сеюм ҳушдор дод

Владимир Зеленский, раисҷумҳури Украина 17-уми сентябр дар мусоҳибае бо...