-2.1 C
Dushanbe

Коҳиши чашмраси интиқоли пули муҳоҷирони тоҷик

Интиқоли маблағи муҳоҷирон аз Русия ба кишварҳои собиқи Иттиҳоди Шӯравӣ то 50% дар сад кам шудааст. Хабаргузории расмии Тоҷикистон “Ховар” бо истинод ба маълумоти  нашрияи амрикоии Bloomberg дар ин бора  хабар додааст.  

Хабаргузории “Азия-Плюс” дар ин бора навиштааст, гуфта мешавад, муддати даҳсолаҳо интиқоли маблағ аз Русия иқтисоди кишварҳои хориҷи наздикро дастгирӣ мекард, дар ҳамин ҳол, даромади баъзе давлатҳо то ба сеяки истеҳсолот мерасид. Дар навбати худ, Русия бо қабули қувваи кории арзон аз ин ҳолат бурд мекард.

Bloomberg маълумоти оморӣ меорад, ки мувофиқи он ҳаҷми интиқоли пул ба Гурҷистон нисбат ба моҳи апрели соли гузашта 40% коҳиш ёфта, дар ҳамин ҳол, дар Тоҷикистон, ки яке аз кишварҳои бештар вобаста ба интиқоли маблағ дар ҷаҳон мебошад, ин ҳаҷм моҳи марту апрел 50% кам шудааст. Дар Ӯзбекистон низ ба ҳамин монанд ҳолат (қариб то нисф) ба қайд гирифта шудааст.

“Барои аксари оилаҳои бештар осебпазир ин 100%-и даромадашон аст”, — шарҳ додааст инро иқтисодчии Бонки аврупоии таҷдиду рушд оид ба Осиёи Марказӣ Эрик Ливни. Ба гуфтаи коршинос, бастани сарҳадҳо маънои “ду ё се баробар” шудани оқибатҳои таъсири коронавирус ба иқтисоди бархе аз кишварҳоро дорад. “Шумо ба Русия ҳам рафта наметавонеду дар хона ҳам кор намеёбед. Ҳозир ва ояндаи наздик не”, — гуфтааст Ливни.

Зикр мегардад, ки ҳатто агар сарҳадҳо боз шаванд ҳам, муҳоҷирон дар шароити иқтисодие кор ҷустуҷӯ хоҳанд кард, ки тайи 10 соли охир имсол чунин афтишро аз сар мегузаронад. Поинравии нархи ҷаҳонии нафт ва зарба аз коронавирус Русияро ба истифодаи захираҳо маҷбур мекунад. Ин маънои онро дорад, ки ба муҳоҷирон лозим меояд дар шароити камшавии даромадҳо ва афзоиши бекорӣ барои худ шуғле пайдо кунанд.

 Зимнан  тибқи омори мунташира беш аз 40% тавлидоти нохолисии миллии Тоҷикистон ба маблағҳои интиқолии муҳоҷирн аз Русия вобаста аст ва гузашта аз ин 70 то 80 дар сади аҳолии Тоҷикистон 90 дар сад аз даромади худ ва ҳамин тавр  рӯзгузаронии худро аз ҳисоби ҳамин маблағҳо таъмин мекарданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.