-3.1 C
Dushanbe

Қодирзода мегӯяд, барои ташкили ҷойи корӣ “Азот”-ро фурӯхтанд

Саъдӣ Қодирзода, раиси Кумитаи давлатии сармоягузорӣ ва идораи амволи давлатии Тоҷикистон дар нишасти хабарии ниҳодаш гуфт, ки корхонаи нуриҳои кимиёвии кишвар дар вилояти Хатлон “Азот” тавассути як тендер фурӯхта шудааст.

Бино ба навиштаи “Sputnik”, Қодирзода ба хабарнигорон гуфта, ки корхонаи “Азот” дар як тендер фурӯхта шуд ва ҳанӯз натоиҷи ниҳоии он эълом нашудааст.

Қодирзода дар ин нишаст гуфт, ки нархи саҳҳоми ин корхона 200 миллион доллар муайян шудааст. Ӯ ҳадафи фурӯхтани ин корхонаи давлатиро барои ҷазби сармояи хориҷӣ ва эҷоди ҷойи корӣ арзёбӣ кард.

Гуфта мешавад, ки cоли 2019 Ҳукумати Тоҷикистон қарордоди таҷдиди таҷҳизоти корхонаи нуриҳои кимиёвии Вахш дар шаҳри Сарбандро бо ширкати чинии “Ҳайнан Чжэцзян Я” бекор кард.

Он замон Ҳукумат сабаби ин амалкардашро гуфта буд, ки ширкати чинӣ ӯҳдадориҳои худро дар соҳаи таҷдиди таҷҳизоти корхона иҷро накардааст.

Дар моҳи сентябри соли 2016, ширкати чинии “Ҳайнан Чжэцзян Я” саҳмияҳои ягона корхонаи нуриҳои кимиёвии Тоҷикистонро харид ва ваъда дод, ки таҷдиди ин корхонаро бо харҷи 360 миллион доллар дар соли 2018 ба анҷом мерасонад.

Пешбинӣ мешуд, ки корхонаи нуриҳои кимиёвии Вахш пас аз бозсозӣ зимни таъмини ниёзи Тоҷикистон заминаи содироти як миллион тонна маҳсулоти кимиёвӣ ба Афғонистон ва 300 ҳазор тонна ба Қирғизистонро низ фароҳам кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.