Тахриби бинои собиқ Кумитаи марказии Ҳизби коммунисти ҶШС Тоҷикистон, ки пас аз соли 1992 Кохи президент дониста мешуд, ҷараён дорад.
Азия плюс аз ҷараёни тахриби ин бино чанд акс нашр кардааст, ки дида мешавад, як қисми ин бинои як замон номдори Тоҷикистон ва ҳамчун ёдгори аз фарҳани сохтумони шӯравӣ хароб гардидааст.
Ин бино дар пойтахти Тоҷикистон соли 1957 қомат афрӯхт. То замони ба бинои нав кӯчидан, муддати 25 сол дар ин ҷо Дастгоҳи президент ва ҳукумат фаъолият мекарданд. Ахиран ин ҷо шаҳрдории Душанбе (бинои он ҳам тахриб шуд) ва Кумитаи сайёҳӣ ҷойгир буданд.
Кохи президент дар доираи татбиқи нақшаи генералии шаҳри Душанбе тахриб (кӯчонида) мешавад.
Дар ҷомеаи Тоҷикистон хабари вайрон шудани бинои дастгоҳи президент дар Душанбе вокуниш ба бор оварда буд. Шахсиятҳои шинохта мухолифи ин кор буданд, вале касе назари онҳоро ба инобат нагирифт.
Коршиносон бар ин назаранд, ки Эмомалӣ Раҳмон мехоҳад, бо вайрон кардани биноҳои сохти Шуравӣ ба ҷомеа расонад, ки мо Тоҷикистонро аз нав сохтем дар ҳоле, ки вайрон кардани ин биноҳо ҳеҷ ба манфиати кор набуд ва нест, танҳо нест кардани таърихи Душанбе унвон мешавад.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.