36.9 C
Dushanbe

Комилҷон Юлдошев аз боздошт раҳо шуд

Комилҷон Юлдошев, як шаҳрванди Тоҷикистон, ки дар Русия аз ҷониби мақомоти ин кишвар бо дахости Қирғизистон боздошт шуда буд, имрӯз 18-уми ноябр аз боздошт раҳо шуд. Дар ин бора Cафорати Тоҷикистон дар Русия хабар дод.

Дар хабар омада, ки маҳз бо талошҳои дипломатҳои тоҷик ва гуфтугӯ бо мақомоти Русия, шаҳрванди Тоҷикистон Юлдошев Комилҷон, ки рӯзи 16-уми ноябр дар фурӯдгоҳи Домодедово боздошт шуда буд, бинобар беасос будани сабабҳои боздошт, озод гардид.

Рӯзе пеш яке аз надикони Комилҷон ба расонаҳо гуфта буд, ки ӯро рӯзи 16-уми ноябр вақти расидан ба Маскав дар фурӯдгоҳи Домодедово дастгир карданд. Сабаби дастгир намуданашро ба ӯ гуфтаанд, ки бо дархости Ҷумҳурии Қирғизистон дар кофтукоб аст ва бояд дастгир шавад.

Комилҷон Юлдошев ягона шаҳрванди Тоҷикистон нест, ки бо дархости Қирғизистон дар Русия дастгир шудааст. Ахиран Диловар Ҷӯраев, як сокини дигари ҷамоати Ворух, ки бо дархости мақомоти интизомии Қирғизистон дар Русия дастгир шуда буд, рӯзи 16-уми ноябр аз боздошт раҳо шуд. Додситонии кулли Тоҷикистон гуфт, Ҷӯраевро баъди муроҷиати онҳо раҳо карданд. Ба гуфтаи худи Ҷӯраев додситонии Русия ӯро “бо шарти берун нарафтан аз ҷойи зист” озод намудааст.

Аз ин пеш, Русия бо талаби Қирғизистон Фурқат Абдуфаттоев, як шаҳрванди дигари Тоҷикистонро дастгир карда, чанд моҳ дар боздоштгоҳ нигоҳ дошт. Ӯро моҳи июни имсол озод карданд.

Додситони кулли Тоҷикистон рӯзи 12-уми ноябр аз мақомоти Қирғизистон хоста буд, ки оғоз кардани парвандаҳои беасоси ҷиноятӣ вобаста ба бетартибиҳои оммавӣ дар хатти сарҳад нисбати шаҳрвандони Тоҷикистон хотима бахшанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти “РАЛИК” баъд аз нашри наворҳои баҳсбарангез

Рэпсарои ҷавони тоҷик Рамазон Муродов, ки бо тахалуси "РАЛИК" маъруф аст, рӮзи 23-уми июл пас аз интишори чанд навори интиқодӣ боздошт шуд.

Ҳалокати 5 узви як хонавода дар Суғд

Бар асари як садамаи нақлиётӣ дар вилояти Суғд 7 нафар кушта ва ду каси дигар захмӣ шудааст.

Эмомалӣ Раҳмон писари Аҳмадшо Масъудро аз Душанбе ронд

Бархе расонаҳои афғонистонӣ хабар доданд, ки мақомоти Тоҷикистон дафтари Ҷабҳаи муқовимати миллии Афғонистонро дар Душанбе бастааст.

Боздошти як шаҳрванди Узбекистон дар Лаҳистон

Бино ба иттилои расонаҳои лаҳистонӣ, як шаҳрванди Узбекистон бо иттиҳоми ҳамла ба корд ба ҷони ду ноболиғ боздошт шудааст.