28.9 C
Dushanbe

Комроншоҳ дар Португалия медали биринҷӣ ба даст овард

Комроншоҳи Устопириён, ягона паҳлавони тоҷик, ки дар мусобиқаи ҷудои Гран-при Португалия-2022 ширкат дошт, медали биринҷӣ ба даст овард.

Паҳлавони тоҷик Комроншоҳ Устопириён пас аз ду пирӯзӣ бар Достон Мейлиев (Узбекистон) ва Артем Бубир (Украина) дар даври ниманиҳоӣ аз намояндаи Италия Кристиан Парлати шикаст хӯрд.

Дар мубориза барои ҷойи севум ва барои дарёфти медали биринҷӣ Комроншоҳ Устопириён паҳлавони гурҷӣ Имеди Гоголадзеро шикаст дод.

Мусобиқа рӯзҳои 28-30-юми  январ дар шаҳри Алмадаи Португалия баргузор шуд. Дар ин мусобиқа 301 варзишгар (179 мард ва 122 зан) аз 41 кишвари ҷаҳон ширкат карданд.

Дар Гран-при Португалия-2022 бояд ду варзишгари тоҷик – Комроншоҳи Устопириён ва Сомон Маҳмадбеков ширкат мекарданд, аммо Сомон Маҳмадбеков ба сабаби гирифтор шудан ба бемории COVID-19 иштирок карда натавонист.

Ғолибони Гран-при Португалия-2022 ба ҷуз медалҳо, ҷоизаҳои пулӣ – 3 ҳазор евро барои ҷои аввал, 2 ҳазор евро барои ҷои дуюм ва 1 ҳазор евро барои ҷои севум гирифтанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи 3400 муҳоҷир дар 6 моҳ

Дар шаш моҳи аввали соли ҷорӣ наздик ба сениюм ҳазор муҳоҷири тоҷикистониро мақомоти Русия ихроҷ кардаанд.

Оғози гармои шадид дар Тоҷикистон ва фармони Раҳмон ба мардум

Шурӯъ аз имрӯз дамои ҳаво дар бархе минтақаҳои Тоҷикистон ба таври камсобиқа гармтар шуда, ва он мақомотро нигарон кардааст.

Боздошти “РАЛИК” баъд аз нашри наворҳои баҳсбарангез

Рэпсарои ҷавони тоҷик Рамазон Муродов, ки бо тахалуси "РАЛИК" маъруф аст, рӮзи 23-уми июл пас аз интишори чанд навори интиқодӣ боздошт шуд.

Ҳалокати 5 узви як хонавода дар Суғд

Бар асари як садамаи нақлиётӣ дар вилояти Суғд 5 узви як хонавода кушта ва ду каси дигар захмӣ шудааст.