Конгресси Амрико барканории Трампро аз мақоми президентӣ талаб дорад

Маҷлиси намояндогони Конгресси Амрико барои ба истеъфо равон кардани раисҷумҳури амалкунандаи ин кишвар Доналд Трамп талош дорад. Дар ҳоле, ки Ҷаред Кушнер мушовир ва домоди Трамп аз ҷумҳурихоҳон дар Сенат талаб карда, ки дар ин мавзӯъ бо ҷумуҳирхоҳон баҳс бикунанд, чун барои муҳокимаи додгоҳӣ вақти кофӣ надоранд.

Бояд гуфт, ки 20-уми январи ҳаминсол салоҳияти Трамп ба ҳайси раисҷумҳури ИМА ба охир мерасад. Аммо Маҷлиси намояндагони Конгресс аз ноиби Президент Майк Пенс талаб дорад, ки Трампро аз қудрат дур кунад.

Маҷлиси намояндагони Конгерсси Амрико аз муовини Трамп Майк Пенс тибқи моддаи ислоҳии 25-уми Қонуни асосӣ ба иситеъфо равона кардани Трампро талаб мекунад.

Қаблан Ненси Пелосӣ ибрози умедворӣ карда буд, ки Трамп худаш истеъфои зудҳангомашро эълом кунад ва салоҳиятҳояшро ба Пенс бисупорад. Трамп ягона расиҷумуҳри Амрикост, ки масъалаи импичменташ дубора матраҳ мешавад.

Маҷлиси намояндагони Конгресси ИМА рӯзи душанбе матни қатънома дар бораи импичменти президент Доналд Трампро нашр кард. Трампро ба он айбдор кардаанд, ки ӯ амнияти Иёлоти Муттаҳида ва ниҳодҳои давлатиро зери хатари ҷиддӣ қарор додааст.

Даъватҳо ба импичменти дигарбораи Трамп баъди он садо доданд, ки рӯзи 6-уми январ ҷонибдорони Трамп аз иёлоти мухлатиф ба Вашингтон омада, дар назди бинои Капитол гирдиҳамоӣ ташкил карда, ба он бино ҳамла карданд, ки дар он бетартибиҳо 5 кас кушта шуд.

Тарафдорони Доналд Трамп дар назди Капитол

Бо нақл аз расонаҳои амрикоӣ то нисфирӯзии рӯзи душанбе бештар аз 200 намояндаи Демократ ба ҷонибдорӣ аз қатъномаи импичменти Трамп раъй додаанд. Аммо барои қабули он бояд бештар аз 218 намоянда ба он раъй бидиҳад. Дар ҳоле, ки вакилони ҷумҳурихоҳ барои раъй додан ба он зиёд рағбат нишон надодаанд.

Ин иқдомҳо як рӯз пас аз изҳороти Бюрои федеролии тафтишоти ИМА (FBI) гирифта шуда аст. Дар изҳорот оиди гурӯҳи мусаллаҳе огоҳонида мешавад, ки мехоҳанд исёни азиме, барпо кунад агар Конгресс тибқи моддаи ислоҳии 25-уми Қонуни асосӣ Доналд Трампро пеш аз ба охир расидани мӯҳлати президентиаш ба истеъфо бифиристад.

Тибқи иттилои расонаи амрикои "ABC" аз қавли Бюрои федеролии тафтишоти ИМА (FBI), дар остонаи савгандедкунии презинти ҷадид Ҷо Байден эҳтимоли сар задани “эътирозҳои мусаллаҳона” дар саросари кишвар вуҷуд дорад.

Ҳамзамон ин ниҳод огаҳ карда, ки дар сурати дур кардани Трамп аз қудрат, пеш аз муҳлат як гурӯҳи норозиён қасд кардаанд рӯзи 16-уми моҳи ҷорӣ ба Вашингтон раванд ва ба додгоҳҳо ва қароргоҳҳои федералӣ ҳамла кунанд.

Ба ин хотир Президент Трамп дастур дода то дар арафаи маросими савгандёдкунии президенти тозаинтихоб Ҷо Байден, ки 20-уми январ баргузор мешавад, нерӯҳои федеролии иловагӣ барои ҳифзи тартибот сафарбар карда шавад. Ҳамзамон дар Вашингтон вазъи фавқулода эълом шуда, ки он аз 11 то 24-уми январ давом хоҳад кард.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.