Дар Русия қонуни наверо омода доранд, ки эҳтимол аст, барои муҳоҷирон сабукӣ орад.

Вазорати корҳои хориҷии Русия тарҳи қонуни наверо пешниҳод кардааст, ки тибқи он нафарони дар Русия қарор дошта метавонанд, ки аз марзи Русия хориҷ нагрдида, худашонро дуввумбора сабти ном кунанд. Вале маълум нест, ки то куҷо ин қонун ба муҳоҷирони тоҷик сабукӣ меоварад.

Айни ҳол дар Русия нафароне, ки муҳлати буду бошашон ба итимом мерасад, бояд ҳатман аз марзи Русия хориҷ шаванд ва пас аз баргаштан метавонанд, ки дуввумбора худро сабти ном кунанд.

Валентина Казакова раҳбари Сарраёсати умури муҳоҷирати Вазорати корҳои дохилии Русия ин тарҳро ба муҳокимаи Шӯрои ҷамъиятӣ пешниҳод кардааст.

Ба назари мутахассисон чанд нуктаи тарҳи ислоҳи қонун дар бораи мақоми ҳуқуқии шаҳрвандони хориҷиӣ нофаҳмо боқӣ модааст.

Усмон Баротов, раҳбари ҷамъияти узбекҳо бо номи “Ватандош" ба Радиои Озодӣ гуфтааст:

"сабаби норушаниҳо эҳтимол набуди маълумоти пурра дар бораи тарҳи қонун аст".

Ӯ дар идома иброз доштаааст, бо қабул шудани қонун муҳоҷирон дигар маҷбур ба тарк кардани кишвар намешаванд ва ин ҳам зиндагии онҳоро то ҷое осонтар мекунад.

Ба гуфтаи ин коршинос, тарҳи қонуне, ки ҳоло аз он сухан меравад, ба зудӣ мавриди амал қарор намегирад.

“Президент Путин то давраи пандемия дар як паёми худ гуфта буд, РВП бекор ва ба шаҳрванди хориҷӣ якбора иҷозаи иқомат дода мешавад. Вале ҳоло, ки мо бо тарҳ ошно шудем, дар он гуфта шудааст, ки ин тарҳ ба қонунгузорӣ соли 2021 ворид шуда, аз соли 2022 мавриди иҷро қарор мегирад. Яъне чизе, ки Путин ним соли пеш гуфта буд, Вазорати корҳои дохила амалишавии онро чанд сол тул медиҳад”, -гуфтааст,  Усмон Баротов.

Бино ба гузориши Радиои Озодӣ, чанде пеш Вазорати корҳои дохилии Русия низ хабар дода буд, ки тасмим дорад, ба тарҳи нави қонуни мақоми ҳуқуқии шаҳрвандони хориҷӣ супурдани изи ангуштро ворид кунад. Дар назар аст, ки муҳоҷирон изи ангушт супоранд ва аз ташхиси тиббӣ гузаранд.

Ба гуфтаи мақомоти Русия осон ва шаффоф будани тартиби воридшавии шаҳрвандони хориҷӣ ба ҳудуди ин кишвар, ба манфиати Маскав будааст.

Аз руйи маълумотҳои интишоргардида, дар як соли гузашта аз патенти муҳоҷирон ба буҷаи Русия 60 миллиард рубл даромад ворид шудааст.

Шаҳрвандони Тоҷикистон, ки аз руйи омори ғайри расмӣ ду милиионро ташкил медиҳанд, барои кору фаъолиятошон аз марзи ин кишвар хориҷ мешаванд, ҳамчунин ҳар сол патент мегиранд

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.