Қонуни нав дар соҳаи низомӣ чӣ навгоние овард?

Шӯрои Маҷлиси намояндагон лоиҳаи Қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ” -ро қабул намудаанд.

Рустам Шомурод, раиси Кумитаи Маҷлиси намояндагон оид ба тартиботи ҳуқуқӣ, мудофиа ва амният зимни баррасии лоиҳаи Қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ”-ро пешниҳод намудааст.

Тибқи ин қонуни нав ба хатмкунандагони кафедраҳои ҳарбӣ, пас аз адои 12 моҳи хизмати ҳарбӣ рутбаи ҳарбии афсарӣ дода мешавад.

Бино ба иттилои хабаргузори давлатии “Ховар” лоиҳаи қонун аз 10 боб ва 62 модда иборат буда, бо мақсади мутобиқ намудани он ба Қонуни Ҷумҳурии Тоҷикистон “Дар бораи санадҳои меъёрии ҳуқуқӣ”, инчунин пурра ба танзим даровардани муносибатҳои хизмати ҳарбӣ, аз ҷумла даъвати шаҳрвандон ба хизмати ҳарбӣ таҳия ва пешниҳод гардидааст.

Дар ин лоиҳа гуфта шудааст, ки айни ҳол шумораи шаҳрвандони дар ҳайати эҳтиётӣ қарордошта сол ба сол бинобар синну соли ниҳоии дар ҳайати эҳтиётӣ будан камтар шуда истодааст, ки ҳангоми сафарбарӣ ё ҳолати ҷангӣ пуррагардонӣ ба Қувваҳои Мусаллаҳи Ҷумҳурии Тоҷикистон бо мақсади таъмини амнияти кишвар мушкилӣ ба миён меорад.

Ин лоиҳаи нав дар ҳолест, ки даъват ба артиш дар Тоҷикистон яке аз мушкилиҳоест, ки то ҳол ҳалли худро наёфтааст. Мақомоти низомии кишвар барои ба танзим надаровардани ин соҳа ҳамеша дар ҷомеа мавриди интиқод қарор мегиранд.

Дар Тоҷикистон аз сабаби бадрафторӣ дар қисмҳои низомӣ нисбати сарбозони нав хабарҳо зиёд расонаӣ мешавад. Ҳамасола кушта шудан ва ё беному нишон гардидани афсарон, шаҳрвандонро аз хизмат дар сафи Қувваҳои мусаллаҳ тарсондааст.

Кормандоин комиссариятҳои ҳарбӣ сарбозонро маҷбуран ва бо усули (Облава) ва ё одамрабоӣ аз кӯчаву бозорҳо дастгир мекунанд ва ба хидмати ҳарбӣ мебаранд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.