33.9 C
Dushanbe

Қотили як муҳоҷири тоҷик маълум шуд, ҳамватан будааст

Баъд аз оварда шудани ҷасади як муҳоҷири тоҷик аз Русия қотил дар шаҳри Дмитрови вилояти Маскав ба 6 соли зиндон маҳкум шуд. Дар ин бора сомонаи расмии Прокуратураи генералии ҶТ хабар медиҳад.

Бино ба иттилои ин сомона ҷасади як шаҳрванди Тоҷикистон рӯзи 25 майи соли 2020 аз Федератсияи Русия ба Тоҷикистон оварда шуда буд. Ин шаҳрванд зодаи ноҳияи Ҷ.Расулови вилояти Суғд буда, Қушмуродов Сардор Фуркатович ном доштааст.

Гуфта мешавад Прокуратураи генералӣ барои муайян намудани қотилон ва ба ҷавобгарӣ кашидани онҳо ба Прокуратураи генералии ФР муроҷиат намудааст. Дар натиҷа аз рӯи ин ҳодиса бо қисми 4 моддаи 111 Кодекси ҷиноятии Федератсияи Россия (қасдан расонидани зарари вазнин ба саломатӣ, ки дар натиҷаи беэҳтиётӣ боиси марги ҷабрдида шудааст), парвандаи ҷиноятӣ оғоз карда шуд. Аз руйи ин ҳодиса Худойбердиев Д.А. боздошт гардид.

Ҳангоми тафтишот муайян карда шудааст, ки Худойбердиев Д.А. дар натиҷаи муноқиша бо корд ба шиками Кушмуродов С.Ф. як зарба задааст, ки Сардор зарари ҷиддӣ ба саломатӣ бардошта, вафот кардааст.

Баъд аз анҷоми тафтишот рӯзи 04 сентябри соли 2020 Худойбердиев Д.А. бо ҳукми суди шаҳри Дмитрови вилояти Москва ба муҳлати 6 сол равонаи зиндон шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.